VOV4.Bahnar – Kơsơ̆ năr 26/4, Khul kơpal kơ Anih jang Trung ương Măt trâ̆n tôh kuôk Việt Nam yuơ yă Trương Thị Ngọc Ánh – Phŏ kơdră Anih jang Trung ương Măt trâ̆n tôh kuôk Việt Nam chĕp kơ̆l hlôi truh hơlen tơdrong hơmet pôk rơih bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang đơ̆ng xơnăm  2021 - 2026 tơ̆ dêh char Bạc Liêu. Jô̆ truh dang ei, Anih pơgơ̆r pôk rơih dôm jăl lơ̆m dêh char hlôi xơkơ̆t păng tơbang anih pôk rơih, hơnăn dôm anih pôk rơih, kơsô̆ bơngai lĕch măt tơgar đei pôk tơ̆ rim anih. Truh dang ei, kơsô̆ kon pơlei tăh hla lơ̆m jâ̆p dêh char đei pơkăp hloh 611.700 'nu, kơsô̆ tơring tăh kơphĭu pôk bơngai tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang đơ̆ng xơnăm 2021 - 2026 noh 551 tơring... Pơma ăh jơ bơ̆ jang, yă Trương Thị Ngọc Ánh- Phŏ kơdră Anih jang Trung ương Măt trâ̆n tôh kuôk  Việt Nam pơkăl: Đơ̆ng dang ei truh 'năr pôk rơih, Bạc Liêu pơtoi hơtŏk tơdrong tơroi tơbăt vă kon pơlei băt hơdăh tôm xơnong kơ bơngai tăh hla, tơdrong kăp gĭt kơ tơdrong pôk rơih.

Lan chih păng pơre nơ̆r