VOV4.Bahnar - ‘Năr brei (18/12) tơ\ plei tơm Đà Lạt (Lâm Đồng), Anih jang găh dôm tơdrong đei [ôh lơ\m tơpôl kơ Kuôk ho#i hlôi jang atu\m hăm Jên mong kơxo# măt bơngai kơ Liên Hợp Quốc tơ\ Việt Nam pơgơ\r pơma đam hơnăn “Khul kơpal tang măt ăn kon pơlei hăm tơchơ\t găh kon pơlei kơdâu xơlăh”. Pơma đam xơkơ\t, kơdâu xơlăh jing trong jang tơm kơyuơ tơdrong hơto\k tơ iung kơ rim teh đak. Mưh adrol kơ xơnăm 1990, tơdrong kon pơlei kơdâu xơlăh mă hăt noh kiơ\ pơkăp, noh đơ\ng ro\ng kơdâu xơlăh kơdih đe\ch, hăm dôm j^t rơbâu unh hnam kơdâu oei tơ\ nai. Hloh 80% lơ\m kơxo# âu kơdâu oei tơ\ Tây Nguyên. Tơdrong mă noh truh dang ei duh oei hloh 22.000 unh hnam tam mă đei axong anih oei xơđơ\ng. {ok Giàng A Chu, Pho\ kơdră Jơnu\m jang găh kon pơlei kon kông kơ Kuôk ho#i ăn tơbăt, mă lơ\m dôm xơnăm kơ âu, kơxo# kon pơlei kơdâu xơlăh truh rim dêh char Tây nguyên hlôi tơjur, mă lei đei [ôh tơxu\l tơxa\l, tơnap kơ hơlen, pơm ăn tơdrong phă bri to\k lơ păng tơgar teh bri glăi. Tơdrong mă âu tơ\ng le# đunh noh roi tơnap tap đei lơ tơdrong ưh kơ ‘lơ\ng, yuơ noh athei đei trong jang kơjăp hloh.

Lan chih păng rapor