‘Măng hop akŏm âu akŏm pơma dơnuh dôm trong jang hơtŏk hơnăp jang đơ̆ng jang tơbôl Đảng, hơtŏk ‘lơ̆ng đei yua jang tơbôl kon pơlei, hơtŏk loi dơ̆ng jang hơdai đơ̆ng 3 anih tơm jang tơbôl ‘noh jang tơbôl Đảng, jang tơbôl Teh đak păng jang tơbôl kon pơlei, hơdai hăm hơtŏk hơnăp jang đơ̆ng rim anih jang tang măt ăn Việt Nam tơ̆ teh đak đe.

Pơma pơgơ̆r, ƀok Trần Cẩm Tú athei rim anih tơm, anih jang, tơring păng rim khŭl jang chĭnh trĭ - tơpôl hơnơ̆ng hơtŏk ‘lơ̆ng hlôh vao găh anih dơ̆ng, hơnăp jang đơ̆ng rim anih jang tơbôl, vei sơđơ̆ng tơlĕch jang hrơ̆ch, ‘lơ̆ng vă pơvih pơvăn đei yua dôm tơdrong hơgăt gĭt kăl kơ teh đak. Ƀok kŭm pơma hơdăh hơnăp jang hơmet ming, pơm ‘lơ̆ng tơdrong pơvei hăm dôm đảng, mă loi ‘noh jĭ rim đảng chĕp kơ̆l tơ̆ dôm teh đak tơjê̆, dôm teh đak tih păng dôm teh đak hlôi pơjing tơdrong pơvei, hơdai hăm hơnơ̆ng tơplih ‘nao, tơlĕch jang hrĕnh rim trong jang hơdai lơ̆m kênh Đảng.