Truh blŭng khei 8, dêh char Đăk Lăk pơtơm asong đei hloh 3.200 tih hlj, đei hloh 33% tơdrong asong jên jang đei pơjao. Vă keh đang tơchơ̆t asong jên jang 68% hơdrol kơ năr 30/9, Đăk Lăk athei asong atăm 4.200 tih hlj, hơtŏ hăm pơhlom 2.100 tih hlj lơ̆m 1 khei.

Tơring adoi oei đei 181 tơdrong tơlĕch jang tŏk bŏk ƀơm tơnap tap, tơhlăk tơhlĭn, jĭ dôm hơnih tơhlăk athei akŏm pơklaih vă pơm trong ăn hơtŏk tơ-iung. Ƀok Đỗ Hữu Huy, Kơdră Hơnih jang vei lăng kon pơlei dêh char Đăk Lăk pơgơ̆r hăm rim hơnih jang, rim tơring dah tenh kuăng keh đang tơdrong asong tôm kơsô̆ jên asong pơm jang oei lăi, hơtŏk tenh tơdrong asong jên jang kơtă lơ̆m khei 8 ou. Atŭm hăm noh, akŏm pơklaih keh đang dôm tơhlăk tăk gah teh, chĭl 'mong teh iŏk ming man păng hla bar pơkăp asong jang.