Bơngai tang măt Nguyễn Thị Hồng Hạnh, Khul pơlei tơm Hồ Chí Minh tơlĕch ăn jang kiơ̆ ‘lơ̆ng hơnăp jang kơ dôm bơngai đei hơvơn vang xek tơlang, mă kăl ‘noh khul Luơ̆t sư, vă tơgŭm tơbăt ăn tơdrong jang xek tơlang, tơgop pơm hơtŏk ‘lơ̆ng xek tơlang.

Lơ̆m mă noh, bơngai tang măt Hoàng Quốc Khánh, Khul Lai Châu pơma tơbăt jơhngơ̆m pơngơ̆t găh tơdrong jơnei lơ̆m xek tơlang trư̆k tuyên tơ̆ tơring groi kông, tơring đei rơvơn găh hơnih păng trong pơgơ̆r sek tơlang kơtă oei tôch trŏ lăp. Bơngai tang măt Chamaléa Thị Thủy, Khul Khánh Hòa athei, đei trong pơtho ming, răt tơmơ̆t ăn kmăi kmŏk ăn bơngai jang xek tơlang, mă kăl ‘noh tơring hơtăih yăih, tơring kon kông, vă tơdrong iŏk yoa ư̆ng yŭng kmăi kmŏk păng kmăi kmŏk hơgei tơpă iŏk yoa ‘lơ̆ng lơ̆m yan ou.