Tơ̆ hop akŏm, Thủ tướng Lê Minh Hưng akhan, ƀât mă lơ̆m apŭng plenh teh oei đei lơ tơdrong tơplih, anih jang tơbôl hlôi jang hơdoi kơjăp hăm dôm khul linh vei lăng rơngei hiôk hian, vei kơjăp tơdrong sơđơ̆ng chinh trĭ păng tơdrong sơđơ̆ng lơ̆m tơpôl. Tơdrong jang tơbôl đei pơgơ̆r hiôk hian jô̆ hloi tơ̆ lăm păng  tơ̆ ‘ngoăih, ‘nŏh jĭ "tơdrong pơjei gĭt kăl" đơ̆ng Việt Nam pơting hăm lơ teh đak nai, pơjing đei tơdrong tơm pơm trong ăn tơdrong jang tŏk kơ teh đak.

Tơ̆ hơnăp kơnh, Thủ tướng  Lê Minh Hưng athei anih jang tơbôl pơm tơplih anih dơ̆ng lơ̆m apŭng plenh teh jing jơhngâm pran vă jang tŏk teh đak. Thủ tướng Lê Minh Hưng athei anih jang tơbôl adrin hlŏh dơ̆ng vă tơplih ‘nao đon tơchĕng, trong bơ̆ jang; băt hơdăh rim tơdrong, tơdra hơdrol, kơchăng tơlĕch nơ̆r apinh hăm dôm grŭp jang, trong jang mă hơdăh vă roi tơƀôh ăn Đảng, teh đak păng Khul kơdră teh đak.