Kiơ̆ tơlĕch jang, sơnăm 2026, Gia Lai gô chih akŏm hô sơ pơjing phương hăm dôm xah Phù Mỹ, Tây Sơn, Tuy Phước, Chư Sê păng An Nhơn Tây. Sơnăm 2028, pơtoi pơkăp hăm dôm xah An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông păng Bình Khê. Truh sơnăm 2030, dêh char Gia Lai gô chih akŏm hô sơ pơjing phương hăm dôm xah Đề Gi, Chư Prông păng Bình Dương.

Tơdrong chih akŏm hô sơ Tơdrong vă jang đei chih kiơ̆ Luơ̆t Pơgơ̆r jang kơ jơnŭm pơgơ̆r tơring sơnăm 2025, dôm tơchơ̆t đơ̆ng Hơnih juăt jang kơ Kuô̆k hô̆i gah pơkăp tơring kơdrơ̆m, trŏ kiơ̆ hơnih jang hanh chĭnh păng dôm hla bar pơtho đơ̆ng Jơnŭm pơgơ̆r teh đak, Hơnih tơm Nô̆i vŭ. Tơchơ̆t tơlĕch 'noh chih akŏm hô sơ Tơdrong vă jang vei sơđơ̆ng trŏ hla bar pơkăp, sơnơng pơgơ̆r kiơ̆ pơkăp; trŏ ƀlep hăm Tơchơ̆t đơ̆ng dêh char Gia Lai, Tơdrong hơtŏk tơring kơdrơ̆m păng sơkơ̆t hơtŏk mŭk drăm – tơpôl kơ tơring.