VOV4.Bahnar  – Năr 16/6, đơ̆ng anih tơroh tơ̆ Hnam Kuôk hô̆i, Khul kơpal tang măt ăn Kuôk hô̆i Việt Nam yuơ ƀok Vũ Hải Hà, bơngai jang lơ̆m Trung ương Đảng, jang lơ̆m Anih jang Kuôk hô̆i, Kơdră Anih jang Tơbôl chĕp kơ̆l vang năm Hop akŏm Khul tơgŭm jang ăn Jơnŭm jang găh Ngĭ viê̆n dôm teh đak Đông Nam Á 'măng mă 12 (AIPA Caucus 12) pơgơ̆r kiơ̆ pơkăp trư̆k tuyê̆n. Khul kơpal tang măt ăn Kuôk hô̆i Việt Nam atŭm hăm dôm teh đak vang jang duh hlôi tơroi tơbăt găh tơdrong hlôh vao lơ̆m pơm jang hăm dôm ngĭ viê̆n vang jang kơ AIPA, mă kăl noh lơ̆m khei năr tơ̆ tơring păng kơpal teh oei ƀơm lơ tơnap tap lơ̆m tơdrong hơlen pơrang jĭ COVID-19 păng hơmet hơtŏk mŭk drăm; hơtŏk dôm tơdrong jang tơbôl hăm đe ngĭ sih dôm teh đak vang jang ASEAN, tơƀôh tơdrong kơchăng jang hadoi kơyuơ tơdrong hơtŏk tơ iung mŭk drăm 'lơ̆ng xơđơ̆ng, pơm kiơ̆ pơkăp hơtŏk tơ iung kơjăp xơđơ̆ng đơ̆ng rŏng kơ pơrang jĭ COVID-19, kơyuơ tơdrong xơđơ̆ng păng jơnap đơ̆ng Jơnŭm jang ASEAN, kơyuơ tơdrong pơyua ăn kon pơlei ASEAN. Pơtôch Hop akŏm, rim bơngai tang măt hlôi hơlen Tơbang Hop akŏm Khul tơgŭm jang ăn Jơnŭm jang găh Ngĭ viê̆n dôm teh đak Đông Nam Á 'măng mă 12 păng anih, khei năr pơgơ̆r Hop akŏm Khul tơgŭm jang ăn Jơnŭm jang găh Ngĭ viê̆n dôm teh đak Đông Nam Á 'măng mă 13 gô đei pơgơ̆r tơ̆ Thái Lan.

Lan chih păng pơre nơ̆r