VOV4.Bahnar  – Pơgê năr 6/9, hăm tơdrong pơgơ̆r đơ̆ng Thủ tướng teh đak Phạm Minh Chính, Khul kơpal teh đah hlôi hop akŏm ăh khei 8 xơnăm 2021 vă pơma đam găh tơdrong jang mŭk drăm – tơpôl khei 8 păng 8 khei xơnăm 2021; tơdrong pơm kiơ̆ Tơchơ̆t kơsô̆ 01/NQ-CP đơ̆ng Khul Kơpal teh đak; tơdrong jang mŭk drăm – tơpôl xơnăm 2021 păng tơdrong Pơkăp hơtŏk mŭk drăm – tơpôl xơnăm 2022; tơdrong pơm kiơ̆ pơkăp axong jang xơnăm 2021, kơchĕng tơdrong axong jang kơ teh đak ăh xơnăm 2022; pơkăp jang mŭk drăm xơnăm 2021-2025 păng dôm tơdrong kăp gĭt nai. Tơ̆ hop akŏm, Thủ tướng teh đak Phạm Minh Chính pơkăl Anih tơm Jên hu akŏm dôm tơdrong pơkăl đơ̆ng dôm anih jang, rim tơring găh jên jang vă tang găn păng tơjră pơrang jĭ; Anih tơm Axong jang – Linh jĭ rơka păng Tơpôl hơlen chih hơmet trong jang ăn dôm bơngai jang tang găn păng tơjră pơrang jĭ; Anih tơm jang găh Trong nơnăm chơ tơmam drăm hơlen pơkăp drơ̆ng nơ̆r, vei xơđơ̆ng tơdrong chơ tơmam drăm, chơ kon bơngai kăl đei pơgơ̆r drơ̆ng minh. Pơkăl tenh kuăng hơlen tơdrong hơtŏk mŭk drăm – tơpôl lơ̆m khei năr ‘nao dang ei.

Lan chih păng pơre nơ̆r