VOV4.Bahnar - ‘Năr 1/6, tơ̆ Hà Nội, kơ dră chĕp kơ̆l Anih tơm vei lăng Công an hôp trư̆k tuyê̆n hăm Công an tơ̆ 1,2 anih, tơ ring tơ rang vă hơ len năng, drơ̆ng nơ̆r ăn dôm trong jang tang găn jĭ Covid-19 lơ̆m khul linh Công an kon pơ lei. 

Tơ̆ hơ năp tơ drong jĭ Covid-19 oei tơ pŏh tôch hơ mơt lơ̆m tĕh đak, Anih tơm vei lăng Công an tơ lĕch hrĕnh dôm trong jang tang găn jĭ; pơ gơ̆r chih tơ roi găh jơ hngâm jăn păng pơm kiơ̆ ‘lơ̆ng dôm tơ drong hơ găt ăn oei hơ drô̆ atŭm, oei hơ drô̆ tơ̆ hnam vă tang găn jĭ;

Hơ tŏk tơ drong tang găn jĭ tơ̆ dôm hnam pơ gang Công an kon pơ lei; pơ gơ̆r ƀet vắc xin tang găn jĭ Covid-19 lơ̆m khul linh Công an kon pơ lei... Công an dôm anih, tơ ring tơ rang hơ nơ̆ng tơ chă mă hrĕnh dôm bơ ngai ƀơm truh bơ ngai ‘nao đei jĭ lơ̆m tơ pôl, vei lăng sơ đơ̆ng ‘lơ̆ng tơ̆ dôm anih gak, anih oei hơ drô̆, Hnam pơ gang hơ met jĭ tơ̆ tơ ring.

Dơ̆ng: Tơ blơ̆