VOV4.Bahnar - Vă pơtoi hơto\k hlôh vao ăn kon pơlei găh tơdrong tang găn păng tơjră j^ Covid-19 lơ\m khei năr dang ei, khul mơlôh Đăk Lăk hlôi đei lơ trong jang tơnăp, tơgop jơhngơ\m atu\m hăm khul jang nai tơ\ tơring pơtoi tơroi tơbăt găh tang găn păng tơjră pơrang j^.

Đơ\ng je# đ^ khei 3 truh dang ei, kon pơlei xăh Vụ Bổn, apu\ng Krông Pak, dêh char Đăk Lăk hlôi juăt hăm dôm tơdrong tơroi tơbăt găh tang găn păng tơjră j^ Covid-19. {ar năr minh ‘măng đơ\ng 3 jơ kơxơ\, khul gre chă tơroi tơbăt kơdâu adar lơ\m tôm jăl trong kơ 28 thôn, pơlei păng pơre kơtơ\ng ang vă rim bơngai gơh mơ\ng hơdăh.

‘Nho\ng La Văn Giang, {^ thư đoan xăh Vụ Bổn ăn tơbăt, đoan xăh jang hadoi hăm Anih jang Joh ayo\ - Tơroi tơbăt xăh chih ako\m hla bar kăl, hơvơn rim anih jang mu\k drăm lơ\m tơring atu\m jơhngơ\m chă tơroi tơbăt. Atu\m hăm noh, xăh Vụ Bổn duh hơto\k tơdrong pơre nơ\r hăm 10 aloa rapor ăh pơgê, kơxơ\ păng kơmăng, pơtơ\ng găh pơrang j^ duh nhen dôm hla bar pơgơ\r jang đơ\ng dôm jăl jang găh tơdrong jang tang găn păng tơjră j^ Covid-19. Axong aloa rapor ăh kơchơ, dôm tơring kơdra#m măt bơngai vă rapor dôm kơtơ\ng ang tơgu\m ăn kon pơlei hơto\k hlôh vao găh tang găn păng tơjră pơrang j^. Kiơ\ kơ ‘nho\ng La Văn Giang, dang ei ja#p teh đak yak ăh jăl ‘nao lơ\m tơdrong tang găn păng tơjră j^, mă lei, vă je# 20 rơbâu ‘nu kon pơlei tơ\ dôm thôn pơlei hlôh vao păng pơm kiơ\ tơnăp dôm trong tang găn păng tơjră j^, khul tơroi tơbăt duh oei pơtoi pơm jang xơđơ\ng, pho\ noh klăh jing khul ie\ vă năm truh rim hnam chă tơroi tơbăt păng tơgu\m kon pơlei tơnap tap: Lơ\m khei năr tang găn păng tơjră pơrang j^ tơ\ tơring, Jơnu\m pơgơ\r jang ako\m khul chă tơroi tơbăt năm truh rim thôn, pơlei lơ\m ja#p xăh. Hơvơn rim anih jang mu\k drăm mơlôh lơ\m tơring chă tơgu\m gre vih vơ\t, pano, aloa rapor vă tơdrong tơroi tơbăt gơh tơnăp hloh păng kon pơlei [ônh chă tơre\k mơ\ng lơ hloh. Inh hlôi jang atu\m hăm ko\ng an xăh, xăh đo#i, Măt tra#n tôh kuôk păng dôm anih jang tơpôl tơ\ xăh vă tơroi tơbăt, axong hla bar pơtơ\ng păng che gom [o\ ăn kon pơlei tơ\ dôm kơchơ, tơring kơdra#m bơngau atu\m hăm chă tơbăt rim bơngai pơm kiơ\ tơnăp tơchơ\t yua che gom [o\ tơ\ anih kơdra#m bơngai. Tơroi tơbăt, hơvơn đoan viên, hơdruh tơdăm păng kon pơlei chih tơroi y te# kiơ\ trong yua ư\ng yu\ng NCoVI.

Oei tơ\ xăh Ea Knuêc, apu\ng Krông Pak, đe boăl đoan viên hơdruh tơdăm hlôi axong jing lơ khul đơ\ng 2 truh 3 ‘nu năm truh rim unh hnam dăh mă anih ako\m kơchơ, anih hơnglăh 3, hơnglă 4... vă tơroi tơbăt ăn kon pơlei găh dôm tơdrong lang xă đơ\ng pơrang j^ Covid-19 păng dôm trong tang găn păng tơjră j^ lơ\m tơpôl; tơbăt hăm kon pơlei yua che gom [o\ tro\ pơkăp. Atu\m hăm noh, đoan xăh oei đei trong vă tơgu\m kon pơlei chih tơroi y te#, io\k yua kơmăi kơmo\k tơroi tơbăt lơ\m chă tơroi pơtho. Pơmai Nguyễn Cẩm Loan, {^ thư đoan xăh Ea Knuêc tơroi, yuơ tơring xăh păng lơ hơdrung bơngai noh tơdrong tơroi kơtă tơgu\m ăn kon pơlei băt hơdăh hloh. Mă kăl, gơnơm hơvơn đei khul đoan viên hơdruh tơdăm tơ\ tơring noh lơ boăl gơh pơma nơ\r vă tơblang hơdăh ăn kon pơlei: Tơroi hăm lơ trong, hăm hla bar dăh mă ako\m trư\k tuye#n. Inh [ôh đe boăl đoan viên hơdruh tơdăm tam mă đei băt hơdăh găh cách mạng Internet 4G, 3G, yuơ ăh truh tơ\ hnam kon pơlei noh gô tơgu\m ăn kon pơlei tơroi y te#. Yuơ noh, inh bơ\ minh trang, noh jing hơnăn chih tơroi y te# kơdih, axong ăn rim chi đoan, tơgu\m ăn kon pơlei chih tơroi tơdrong kăl hloh hăm kon pơlei, nhôn gô ako\m lơ\m dôm trang noh [ônh hloh. Lơ\m minh pơgê gơh chih ako\m truh 100 ‘nu hăm minh boăl jang, thoi noh nhôn gơh jang đei lơ hloh.

Kiơ\ kơ Nguyễn Văn Hà, {^ thư đoan apu\ng Krông Pak, dêh char Đăk Lăk, dang ei, tơdrong tơroi tơbăt găh tang găn păng tơjră j^ Covid-19 hlôi yak ăh jăl ‘nao. Yuơ noh, atu\m hăm tơdrong jang atu\m đơ\ng đoan tơ\ kơpal, rim anih jang đoan tơ\ tơring đei kơdih dôm trong jang [lep hăm tơring vă pơtoi tơroi tơbăt, hơto\k hlôh vao ăn kon pơlei lơ\m tang găn păng tơjră pơrang j^. Lơ\m noh, khul đoan viên jing khul jang dơnơm lơ\m tơdrong tơroi tơbăt. Dang ei, anih jang đoan apu\ng pơtoi hơvơn dôm anih jang, anih mu\k drăm, anih jang ‘mêm bơnat lơ\m păng ‘nguaih kơ dêh char vă atu\m hơyak hăm đoan viên hơdruh tơdăm, rim unh hnam kon pơlei đei tơdrong erih tơnap tap yuơ đơ\ng pơrang Covid-19 pơm ăn: Adrol hloh noh, hơto\k xơnong jang đơ\ng khul kang [o# đoan dôm jăl jang lơ\m yuk trong hơlâu lơ\m dôm tơdrong jang tang găn păng tơjră j^ Covid-19. Anih jang đoan duh hlôi jang tơnăp tơdrong tơroh dôm anih jang, tơ ‘ngla bơngai chă hơvơn tơgu\m jơhngơ\m, jên hu ăn tơdrong jang tơroi tơbăt. Pơgơ\r jing khul jang năm apong dôm anih jang, axong che gom [o\ păng đak pơgang ôp ti pơlôch xơmach, atu\m hăm noh đei tơmam chă hơlêm, hơto\k đon bơnôh ăn khul kang [o# oei pơm jang kơtă. Pơgơ\r Jơnu\m jang tơ\ apu\ng hơvơn hơ ioh lơ\m ja#p apu\ng vang chih pơlong tơroi găh Đon kơche\ng po lơ\m tơdrong tang găn păng tơjră j^ Covid-19.

Mă jing dêh char ưh kơ gan bơh [ơm j^ mă lei kiơ\ Khul kơpal dêh char Đăk Lăk, tơring đei lơ tơdrong kơchăng nhen tơring teh xă, măt bơngai kơdra#m, đei trong gre păr, dôm jăl trong tih tơroh hăm dôm plei tơm tih lơ\m ja#p teh đak noh hli [ônh đei tơpoh j^. Yuơ noh, tơdrong jang tang găn păng tơjră j^ Covid-19 duh đei Đăk Lăk tơre\k jang. Atu\m hăm dôm tơdrong jang tơgu\m kon pơlei tơnap tap [ơm răm đơ\ng pơrang j^, khul đoan viên hơdruh tơdăm tơ\ 15 apu\ng, th^ xăh păng plei tơm lơ\m dêh char duh jing khul jang dơnơm vang chă tơroi tơbăt lơ\m tơpôl, tơgu\m kon pơlei tơroi găh y te# đie#n tưh păng chih ako\m dôm kơtơ\ng ang găh pơrang j^ Covid-19 kiơ\ dôm tơdrong tơroi tơbăt tơm.

            Lan chih păng rapor