VOV4.Bahnar - Hơ nơ̆ng bơ̆ jang lơ̆m hop akŏm mă 2, Kuô̆k hô̆i jăl 15, pơ gê (26/10), Khul tang măt Kuô̆k hô̆i dêh char Dak Lak pơ ma nuh păng drơ̆ng nơ̆r hăm dôm nơ̆r tơ gop ăn Luơ̆t kanh sat cơ động.

Bơ ngai tang măt Lê Thị Thanh Xuân iung pơ ma lơ̆m hop akŏm

Đơ̆ng rŏng kơ mơ̆ng hla ar chih tơ roi găh Luơ̆t kanh sat cơ động, Khul tang măt Kuô̆k hô̆i dêh char Dak Lak drơ̆ng nơ̆r găh tơ drong kăl đơ̆ng hơ met ming tơ drong Tơ chơ̆t Kanh sat cơ động jing Luơ̆t kanh sat cơ động. Dôm bơ ngai tang măt akhan, hơ tơ drong hơ tŏk jing Luơ̆t hlôi chih răk tơ drong tơ gop đơ̆ng khul linh kanh sat cơ động lơ̆m tơ drong vei sơ đơ̆ng tĕh đak.

Tơ gop nơ̆r ăn Luơ̆t kanh sat cơ động, dôm bơ ngai tang măt Dak Lak athei: Lơ̆m luơ̆t chih hơ dăh 2 tơ drong gơ̆h jang ‘nao đơ̆ng khul linh kanh sat cơ động ‘nŏh jĭ: gơ̆h chĕp phao, tơ mam tơ gŭm, gre, kơ măy kơ mŏk mât tơ̆ cham gre păr păng tŏk tơ̆ gre păr; Đei răt hơ met bơ̆n gre păr, ƀato vă pơ yoa ăn tơ drong jang, tơ drong ‘nâu tôch lăp hăm hơ năp bơ̆ jang. 

Dơ̆ng: Tơ blơ̆