VOV4.Bahnar - Hơ nơ̆ng tơ drong jang ‘măng hop akŏm ưh kơ ê, pơ gê ‘năr  (06/01), pơ ma dơ nuh tơ̆ grŭp, Khŭl tang măt Kuôk hô̆i dêh char Dak Lak hlôi akŏm pơ ma dơ nuh găh Luơ̆t hơ met ming, tơ mơ̆t dơ̆ng 1,2 hơ păng đơ̆ng Luơ̆t Tơ mơ̆t jên jang kơ teh đak, Luơ̆t Tơ mơ̆t jên jang kiơ̆ trong jang hơ dai teh đak hăm kơ dih, Luơ̆t tơ mơ̆t jên jang iŏk jang, Luơ̆t Ŭnh điên, Luơ̆t tĕch mơ dro, Luơ̆t Thuế iŏk răt gĭt kăl, Luơ̆t pơm kiơ̆ sek tơ lang kon pơ lei kiơ̆ tơ drong jang tơ̆ ‘măng hop akŏm hlôi tơ lĕch ăn.

Rim bơ ngai tang măt Kuôk hô̆i tơ̆ dêh char Dak Lak drơ̆ng nơ̆r ‘lơ̆ng tơ drong hơ met ming, tơ mơ̆t dơ̆ng 1,2 hơ păng đơ̆ng 8 Luơ̆t gô hơ met ‘lơ̆ng tôm rim trong jang đơ̆ng  Đảng păng tơ tom hơ met pơ ‘lơ̆ng dôm mơ mat tat, tơ hlak tơ hlĭn đei ƀôh lơ̆m yan âu. Tơ gop nơ̆r găh Luơ̆t Tơ mơ̆t jên jang kơ teh đak, ƀok Y Vinh Tơr, Kơ dră khŭl tang măt Kuôk hô̆i dêh char Dak Lak drơ̆ng nơ̆r hăm 3 tơ drong kăl kơ hơ met ming, mă lei athei kăl kơ bơ ngơ̆t truh hloh dơ̆ng truh tơ drong klăih song kơ dră jang, klăih song tơ drong gơh jang păng hơ năp jang hăm rim tơ drong jang đei jên ODA.

Thuem: Tơ blơ̆