VOV4.Bahnar - Vang truh hop akŏm ‘măng mă 2, Kuô̆k hô̆i jăl 15 trư̆k tuyê̆n, đơ̆ng rŏng mơ̆ng hla ar chih tơ roi găh tơ drong jang atŏk tơ iung mŭk drăm tơ pôl sơ năm 2021; trong vă jang atŏk tơ iung mŭk drăm tơ pôl sơ năm 2022; Hla ar tơ roi găh tơ drong tang găn jĭ COVID-19 păng tơ drong jang kiơ̆ tơ drong Tơ chơ̆t kơ sô̆ 30/2021/QH15 găh hop akŏm mă mônh, Kuô̆k hôĭ jăl XV, Khul tang măt Kuô̆k hô̆i dêh char Dak Lak ‘măn jơ pơ ma nuh tơ̆ grŭp găh dôm tơ drong ‘nâu.

Dôm bơ ngai tang măt tơ̆ Dak Lak drơ̆ng nơ̆r hăm dôm hla ar chih tơ roi păng trong vă jang atŏk tơ iung mŭk drăm, tơ pôl đei tơ lĕch lơ̆m hop akŏm, atŭm hăm ‘nŏh đei nơ̆r pơ ma thim găh tơ drong hơ len năng hiong răm đơ̆ng jĭ Covid 19 truh tơ̆ kon pơ lei, mă loi jĭ tơ drong tơ rĕk hăm đe hơ iŏh pơ ti yoa đơ̆ng jĭ hơ buh; tơ drong tơ lĕch jên jang kơ tĕh đak hrei ‘nâu tơ tă hiơ̆ ngăl, tơ drong tơm ‘nŏh yoa trong jang oei đei lơ tơ drong tơ hlăk.

Dơ̆ng: Tơ blơ̆