VOV4.Bahnar - Khul tang măt Kuô̆k hô̆i Việt Nam yoa Kơ dră jang lơ̆m anih tơm Chinh trĭ, Phŏ Kơ dră Kuô̆k hô̆i Trần Thanh Mẫn chĕp kơ̆l vang truh Hop akŏm ‘măng mă 207 kơ Jơ nŭm pơ gơ̆r Grŭp Nghị viện apŭng plenh tĕh (IPU) kiơ̆ trong trư̆k tuyê̆n.

Phŏ Kơ dră Kuô̆k hô̆i Trần Thanh Mẫn

Hop akŏm ‘măng mă 207 kơ Jơ nŭm pơ gơ̆r IPU pơ gơ̆r kiơ̆ trong trư̆k tuyê̆n lơ̆m 2 năr, đơ̆ng ‘năr 24 truh ‘năr 25/5/2021 vă pơ ma păng tơ lĕch tơ drong tơ chơ̆t găh dôm tơ drong ƀơm truh trong pơ gơ̆r jang hơ doi đơ̆ng Grŭp Nghị viện tih hlŏh apŭng plenh tĕh.

Kơ dră IPU Duarte Pacheco pơ gơ̆r hop akŏm, hăm tơ drong vang akŏm đơ̆ng đe ngĭ si găh 135 khul tang măt ăn nghị viện dômn tĕh đak jang hơ doi. Hop akŏm vă pơ ma găh tơ drong tơm ‘nŏh "Yak hlŏh jĭ hơ buh hrei ‘nâu păng pơ jing ning mônh kơnh ‘lơ̆ng hơ iă ƀiơ̆: Hơ năp jang đơ̆ng dôm nghị viện".

Dơ̆ng: Tơ blơ̆