VOV4.Bahnar - Tơ\ Hà Nội ‘nao pơ gơ\r hop ako\m trư\k tuye#n tơ le\ch trong pơ tho păng dăr lăng tơ drong jang kiơ\ tơ drong Hơ găt kơ so# 42 ‘năr 09/4/2020 đơ\ng Khul kơ dră te\h đak păng tơ drong Tơ chơ\t kơ so# 15 ‘năr 25/4/2020 đơ\ng Thủ tướng te\h đak găh bơ\ jang dôm tơ drong tơ gu\m ăn kon pơ lei tơ [âp mơ mat tat yoa đơ\ng j^ COVID-19.

Jơ hop ako\m trư\k tuye#n

Lơ\m hop ako\m, bơ ngai tang măt ăn dôm tơ ring pơ ma hơ dăh vă kla jên tơ gu\m ăn dôm bơ ngai đei xa yoa adrol kơ ‘năr 30/4. Kơ dră tơm vei lăng tơ drong jang xa, linh j^ rơ ka păng tơ pôl Đào Ngọc Dung akhan, ‘nâu j^ tơ drong tơ gu\m tih, đơ\ng sơ\ tam biơh đei, hăm kơ so# bơ ngai đei tơ gu\m tôch lơ kơ na [ôh đei tơ drong tơ hlăk, ro\ năng gô đei hloi tơ drong chă trong xa pơ gâm ‘năi.

Yoa thoi no\h, bơ ngai che\p kơ\l athei ch^u pu\ tơ\ hơ năp Thủ tướng te\h đak. Dôm tơ ring athei tơ re\k truh trong tơ le\ch jang, ưh gơ\h le# 1,2 an^h te\ch mơ dro chă trong pơm mơ mat hăm bơ ngai jang. Dôm tơ ring adrol bơ\ jang roi hrôih roi ‘lơ\ng, ưh gơ\h le# bơ ngai đei xa yoa gô chang.

Dơ\ng: Tơ blơ\