VOV4.Bahnar - Kơ sơ\ brei (10/5), Đại tướng Tô Lâm, kơ dră An^h tơm vei lăng ko\ng an ku\m hăm Khu\l bơ\ jang hlôi jang kiơ\ tơ drong hơ len lăng tơ drong jang hơ met ăn ko\ng an chính quy io\k jang rim kơ chư\k jang Ko\ng an xăh tơ\ de#h char Kon Tum. Đei An^h tơm vei lăng ko\ng an rơ\ih jang pơ long lăng, tru\h dang ei đơ\ng ro\ng 4 khei jang kiơ\, Ko\ng an de#h char Kon Tum hlôi hơ met ăn 360 ‘nu kang [o# ko\ng an chính quy io\k jang rim kơ chư\k jang tơ\ đ^ đăng 86 xăh lơ\m de#h char.

Kơ dră tơm Ko\ng an bơ\ jang tơ\ Kon Tum

Lăp lơ\m 4 khei, ko\ng an rim xăh hlôi pơ gơ\r đei 300 ‘măng tơ le\ch jang tơ drong jang vei lăng sơ đơ\ng te\h đak, sơng io\k hơ met pơ ‘lơ\ng hlo\h 200 kơ tơ\ng ang tơ roi tơ băt, tơ roi tơ kêng pơm glăi; io\k vei 61 to\ phao pơm kơ d^h… Đơ\ng ro\ng kơ năm hơ len lăng tơ pă yan âu tơ\ tơ ring, mơ\ng tơ roi tơ băt đơ\ng tơ ring, Đại tướng Tô Lâm lăng ‘lơ\ng jơ nei đơ\ng de#h char Kon Tum io\k đei. Pơ ma hơ dăh tơ drong hơ met ăn kang [o# ko\ng an chính quy io\k jang rim kơ chư\k jang tơ\ xăh ‘no\h j^ 1 trong jang t^h lơ\m tơ drong jang vei lăng sơ đơ\ng, Đại tướng athei Kon Tum hơ nơ\ng đei rim trong jang mă rơ đăh pơm kiơ\ đei yua tơ drong jang âu.

Thuem: Tơ blơ\