VOV4.Bahnar - Ƀok Đỗ Văn Chiến, Bí thư Trung ương Đảng, Kơ dră Anih jang Trung ương Mặt trận tổ quốc Việt Nam ‘nao đei ‘măng pơ ma điên thoăi hăm ƀok Uông Dương, Bơ ngai jang lơ̆m Anih tơm Chĭnh trĭ, kơ dră Chính hiệp lơ̆m teh đak Trung Quốc. Lăng ‘lơ̆ng tơ drong ‘mêm ‘lơ̆ng hơ iă đơ̆ng  Trung Quốc hăm Việt Nam khei ‘năr âu ki, Kơ dră Anih jang Trung ương Mặt trận tổ quốc Việt Nam Đỗ Văn Chiến akhan, hăm tơ drong hơ drin atŭm đơ̆ng 2 păh, tơ drong pơ vei Việt Nam- Trung Quốc hơ nơ̆ng hơ tŏk tơ iung ‘lơ̆ng; ‘meh vă hơ nơ̆ng pơ trŭt jang hơ dai đơ̆ng Mặt trận tổ quốc Việt Nam păng Chính hiệp lơ̆m teh đak Trung Quốc. Găh kơ dih kâu, Kơ dră Chính hiệp Trung Quốc Uông Dương vang tơ gŭm hăm dôm tơ drong mơ mat tat đơ̆ng Việt Nam ƀơ̆t tŏk bŏk athei tơ jră hăm tơ drong đei ƀôh hơ lơ̆k dơ̆ng đơ̆ng jĭ Covid-19 păng pơ ma hơ dăh, Trung Quốc gô vang tơ gŭm tơ drong hlôh vao lơ̆m tơ drong jang tang găn jĭ păng gô tơ gŭm Việt Nam lơ̆m tơ drong tơ gŭm răt vaccine bơ̆ng jĭ Covid -19 lơ̆m tơ drong kĕ jang đơ̆ng kơ dih.

Thuem: Tơ blơ̆