VOV4.Bahnar - Drơ̆ng nơ̆r krao hơ vơn đơ̆ng Đại tướng Phan Văn Giang - Bơ ngai jang lơ̆m Anih tơm Chĭnh trĭ, Kơ dră Anih tơm vei lăng khŭl linh Việt Nam, ƀok Kishi Nobuo - Kơ dră Anih tơm vei lăng Khŭl linh Nhật Bản hlôi năm tơ mang tơ̆ Việt Nam đơ̆ng ‘năr 10-12/9. 2 kơ dră tơm hlôi pơ gơ̆r pơ ma đam, hơ len lăng tơ drong pơ vei khŭl linh khei ‘năr âu ki, tơ roi băl tơ drong apŭng plĕnh teh, tơ ring vang bơ ngơ̆t truh. Lơ̆m noh, đei tơ drong gĭt kăl đơ̆ng duk kơ dâu păng gre păr păr hiôk hian tơ̆ hơ năp dôm tơ drong đei ƀôh krê hơ mơt lơ̆m tơ ring.

Ƀar kơ dră tơm kŭm hăm khŭl tang măt gĭt kăl phĭn rup hơ dai

2 păh pơ ma hơ dăh dơ̆ng tơ drong kăl đơ̆ng tơ drong pơm kiơ̆ khôi luơ̆t apŭng plĕnh teh, đei hloi tơ drong tơ chơ̆t Liên hợp quốc găh Luơ̆t đak dơ sĭ 1982 (UNCLOS 1982); pơ ma dơ nuh găh tơ drong hlôh vao tang găn jĭ Covid-19 đơ̆ng khŭl linh 2 teh đak. Lơ̆m jăl jang hơ tŏk tơ iung ‘nao kơ tơ drong pơ vei jang hơ dai khŭl linh đơ̆ng Việt Nam - Nhật Bản, 2 păh pơ ma hơ dăh gô hơ drin pơ trŭt rim tơ drong jang hơ dai, mă loi ‘noh rim tơ drong jang tơ ƀơ̆p pơ ma dơ nuh kơ dră kơ pal păng jang hơ dai lơ pang, vă tơ gop ‘lơ̆ng ăn tơ drong rơ ngei păng sơ đơ̆ng, hơ tŏk tơ iung kơ tơ ring păng lơ̆m apŭng plĕnh teh.

Thuem: Tơ blơ̆