VOV4.Bahnar - Ƀok Phan Đình Trạc – Kơ dră chĕp kơ̆l Ban Nội chính Trung ương kŭm hăm Khul tang măt Quốc hội dêh char Lâm Đồng ‘nao đei jơ tơ ƀâp bơ ngai tăh hla tơ̆ xăh Hiệp An, apŭng Đức Trọng păng 1,2 xăh, phương, tơ̆ plt Đà Lạt. Tơ̆ dôm anih tơ ƀâp, bơ ngai tăh hla tơ ƀôh đon lui păng hơ mĕng lơ̆m dôm trong jang gĭt kăl vă atŏk tơ iung mŭk drăm tơ pôl, trong jang vă gơ̆h tŏk klăih đơ̆ng mơ mat tat yoa đơ̆ng jĭ Covid-19 kơ Khul kơ dră tĕh đak, Kuô̆k hô̆i kiơ̆ đơ̆ng ‘măng hop akŏm mă 2 Kuô̆k hô̆i jăl XV.

Khul tang măt Kuô̆k hô̆i dêh char Lâm Đồng tơ ƀâp bơ ngai tăh hla

Atŭm hăm ‘nŏh, hơ nơ̆ng tơ lĕch nơ̆r apinh găh lơ tơ drong ƀơm truh tơ drong vei lăng tĕh đak, dôm tơ drong tơ gŭm vei sơ đơ̆ng tơ drong arih xa tơ pôl, vei lăng tơ drong jang xa, tĕch mơ dro lơ̆m khei ‘năr oei đei jĭ. Pơ ma tơ̆ hơ năp bơ ngai tăh hla, ƀok Phan Đình Trạc, Kơ dră chĕp kơ̆l Ban Nội chính Trung ương pơ ma hơ dăh, dôm nơ̆r tơ gop, nơ̆r apinh đơ̆ng bơ ngai tăh hla ‘nŏh jĭ tơ ƀôh đon hơ pơi ‘mĕh tôch tơ găl. Khul tang măt Kuô̆k hô̆i dêh char Lâm Đồng vă chih răk păng athei dôm anih jang kơ pal set hơ len, chă trong hơ met pơ ‘lơ̆ng tơ̆ hơ năp kơnh.

Dơ̆ng: Tơ blơ̆