VOV4.Bahnar - Kơ dră che\p kơ\l dêh char Dak Nông ‘nao đei ‘măng năm hơ pong, chơt hơ iă hăm mu\k sư Y Djrên, Jang lơ\m Khul pơ gơ\r lui, [ok pơ tho lui dêh char Dak Nông tơ\ xăh Thuận An, apu\ng Dak Mil, đe [ok pơ tho, kon pơ lei kiơ\ lui ko\ng yăo Tơ ring Khop Nhân Cơ, apu\ng Dak R’lấp [lep [âp lêh Noel 2019.

Hơ păh pơ kao chơt hơ iă hăm Hnam khop Nhân Cơ (Dak R'lấp)

Tơ\ dôm an^h truh ngôi, kơ dră che\p kơ\l dêh char pơ truh nơ\r hmach thơ thou jơ hngâm pran, hiôk chơt hăm Mu\k sư, dôm [ok pơ tho lui păng kon pơ lei kiơ\ lui khop; atu\m hăm ‘no\h chih răk, tơ che\ng ‘lơ\ng tơ drong jang đơ\ng mu\k sư, đe [ok pơ tho lui khop păng kon pơ lei kiơ\ lui khop lơ\m tơ drong pơ jing tơ drong arih xa ph^ tơ to\, dơ no\ ‘lơ\ng, hiôk chơt, tơ gop bơ\ jang đei jơ nei ‘lơ\ng tơ drong jang mu\k drăm tơ pôl tơ\ tơ ring.

Kơ dră che\p kơ\l dêh char hơ pơi ‘me\h, đe mu\k sư, đe [ok pơ tho hơ nơ\ng jing gơ tơ [ưh ăn Đảng, khul kơ dră hăm kon pơ lei; pơ lung kon pơ lei kiơ\ lui khop jang kiơ\ Khôi luơ\t te\h đak, pơ jing tơ drong tơ guăt đ^ đăng hơ dre\ch hơ drung, ku\m hăm an^h jang đảng, khul kơ dră tơ ring pơ jing tơ ring tơ rang ‘nao, pơ jing tơ drong arih xa ‘lơ\ng hơ iă, rơ gei; vei kơ jăp tơ drong sơ đơ\ng chinh tr^, sơ đơ\ng tơ pôl tơ\ tơ ring.

Dơ\ng: Tơ blơ\