VOV4.Bahnar- {lep [ât tơ băt 40 sơ năm Năr tơ blăh io\k rơ ngei dôm apu\ng, pơ lei tơm tơ\ dêh char Lâm Đồng păng tơ blăh rơ ngei tơ ring Pơ băh pơ jing đei 1 te\h đak kơ jăp ‘lơ\ng (30-4), [ok Nguyễn Xuân Tiến, Bí thư Đảng dêh char Lâm Đồng, ku\m hăm Kơ dră che\p kơ\l khul linh so, An^h vei lăng tơ drong jang xa, linh j^ rơ ka păng tơ pôl dêh char Lâm Đồng truh hơ pong, asong tơ mam păng pơ ma lơ nơ\r ‘mêm bơ nê hăm đe kăn [o# kră jang kăch mang tơ\ pơ lei tơm Bảo Lộc păng apu\ng Bảo Lâm. Tang măt ăn An^h jang đảng păng kon pơ lei Lâm Đồng, [ok Nguyễn Xuân Tiến, Bí thư Đảng dêh char Lâm Đồng tơ [ôh đon che\p răk dôm tơ drong plang jơ hngâm, ko\ng tih tên đơ\ng đe Linh tơ blăh kơ tang nuih mơng lơ\m khei ‘năr tơ blăh Mi do\ng te\h đak, hơ nhăk tơ drong rơ ngei, hiôk hian hrei ‘nâu. {ok hơ pơi hnam tơ no\ đe Linh tơ blăh kơ tang hơ nơ\ng che\p vei kơ jăp jơ hngâm đon ‘lơ\ng, kơ tang nuih mơng vă pơ gơ\r jang ato\k tơ iung mu\k drăm, vei sơ đơ\ng tơ drong erih păng jing hnam tơ no\ erih xa ‘lơ\ng rơ gei tơ\ tơ ring.

                                                                                                Dơ\ng: Tơ blơ\