VOV4.Bahnar - Kơ sơ̆ ‘năr 21/10, tơ̆ Anih pơ̆ih pơ re nơ̆r Teh đak 58 Quán sứ, Hà Nội, Bơ ngai lơ̆m Trung ương Đảng, Kơ dră dơnơm chĕp kơ̆l Anih radio nơ̆r pơ ma Việt Nam Đỗ Tiến Sỹ hlôi sơng Khŭl kơ dră Anih jang tang măt Việt Nam tơ̆ teh đak đe yua đơ̆ng Phŏ kơ dră Anih tơm jang tơ bôl Vũ Quang Minh chĕp kơ̆l, năm tơ mang păng bơ̆ jang. Tơ̆ jơ bơ̆ jang, Kơ dră dơnơm chĕp kơ̆l Anih radio nơ̆r pơ ma Việt Nam Đỗ Tiến Sỹ hmach chơt hơ iă kơ rim Kơ dră Anih jang tang măt Việt Nam tơ̆ teh đak đe đei pôk jang lơ̆m rim tơ drong jang gĭt kăl. Ƀok Đỗ Tiến Sỹ kŭm hlôi tơ roi tơ ƀôh găh Anih radio nơ̆r pơ ma Việt Nam, găh tơ drong jang hơ dai đơ̆ng Anih radio nơ̆r pơ ma Việt Nam hăm Anih tơm jang tơ bôl, rim kơ dră tang măt anih jang Việt Nam tơ̆ rim teh đak lơ̆m tơ drong jang tơ roi tơ băt. Tơ̆ hơ năp kơnh, Anih radio nơ̆r pơ ma Việt Nam tôch ‘meh đei jang hơ dai kơ jăp hloh dơ̆ng hăm rim anih jang tang măt Việt Nam tơ̆ teh đak đe lơ̆m tơ drong tơ lĕch jang rim trong vă jang kơ tơ̆ng ang tơ bôl vă roi tơ ƀôh jrŭ să um rup teh đak, kon bơ ngai Việt Nam ăn apŭng plĕnh teh, kŭm nhen pơ̆ih să tơ drong pơ vei jang hơ dai hăm rim teh đak lơ̆m tơ drong jang pơ re nơ̆r, pơ dăh ti vi.

Thuem: Tơ blơ̆