VOV4.Bahnar - Pơ gê 23-9, tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ pơ gơ̆r jơ bơ̆ jang đơ̆ng Kơ dră chĕp kơ̆l Kuô̆k hô̆i hăm Khul kơ dră chĕp kơ̆l Anih vei lăng mŭk drăm, mơ̆ng nơ̆r tơ roi găh 1,2 tơ drong Tơ prŏh trong iŏk yoa tĕh kơ tĕh đak đơ̆ng 2021 – 2030, trong jang truh sơ năm 2050, Trong iŏk yoa tĕh 5 sơ năm (2021-2025) kơ tĕh đak.

Pơ ma lơ̆m jơ bơ̆ jang, Kơ dră Kuô̆k hô̆i Vương Đình Huệ pơ ma hơ dăh, tĕh jĭ tơ mam kăp gĭt kơ tĕh đak, yoa thoi nŏh, tơ drong vei lăng, iŏk yoa tĕh ưh lăp jô̆ ăn dang ei đĕch mă athei tơ chĕng ăn ning mônh hai; atŭm hăm ‘nŏh tĕh athei chĕng song mă lăp hăm trong jang đunh đai, ưh lăp 5 sơ năm dăh mă 10 sơ năm đĕch ôh, mă athei đunh hlŏh kơ ‘nŏh dơ̆ng lơ̆m khei ‘năr jang tŏk kơ tĕh đak.

Kiơ̆ tơ drong vă jang, tơ drong Tơ proh trong iŏk yoa tĕh kơ tĕh đak đơ̆ng 2021 – 2030, trong jang truh sơ năm 2050 păng trong iŏk yoa tĕh 5 sơ năm 2021-2025 gô đei tơ roi ăn Kuô̆k hô̆i lơ̆m hop akŏm mă 2, Kuô̆k hô̆i jăl XV. Tơ chĕng hơ drol, tơ drong ‘nâu gô đei Anih chĕp kơ̆l pơ gơ̆r Kuô̆k hô̆i tơ gop nơ̆r lơ̆m hop akŏm mă 4 (khei 10/2021).

Dơ̆ng: Tơ blơ̆