VOV4.Bahnar - Pơ gê ‘năr 29/6, tơ̆ Hải Phòng pơ gơ̆r ‘măng hop akŏm mă Mônh, Jơ nŭm pơ gơ̆r kon pơ lei pơ lei tơm Hải Phòng jăl 16. Anih vei lăng pôk rơ̆ih pơ lei tơm Hải Phòng tơ roi tơ băt pơ tôch pôk rơ̆ih păng tơ roi hơ dăh hơ năp jang đơ̆ng bơ ngai tang măt Jơ nŭm pơ gơ̆r kon pơ lei pơ lei tơm jăl 16, jăl jang 2021-2026. Kŭm tơ̆ ‘măng hop akŏm, rim bơ ngai tang măt Jơ nŭm pơ gơ̆r kon pơ lei pơ lei tơm hlôi pơ gơ̆r pôk rim kơ chư̆k jang dơ nơm kơ Jơ nŭm pơ gơ̆r kon pơ lei păng Anih vei lăng kon pơ lei pơ lei tơm, rim anih jang kơ Jơ nŭm pơ gơ̆r kon pơ lei, bơ ngai jang lơ̆m Anih vei lăng kon pơ lei pơ lei tơm; pôk Khŭl hơ len lăng kon pơ lei kơ Anih sek tơ lang kon pơ lei pơ lei tơm kiơ̆ luơ̆t hơ găt; vă pơ jing, hơ met tôm bơ ngai jang chĕp kơ̆l tơ ring, vei sơ đơ̆ng tơ drong jang đei yua tơ̆ hơ năp kơnh. Vang akŏm păng iung pơ ma tơ̆ ‘măng hop akŏm, Kơ dră Kuôk hô̆i Vương Đình Huệ ‘mĕh vă păng lui ngeh akhan, lơ̆m dôm sơ năm 2021-2026, Jơ nŭm pơ gơ̆r kon pơ lei pơ lei tơm Hải Phòng gô hơ nơ̆ng tơ plih ‘nao pran kơ tang hloh dơ̆ng găh pơ gơ̆r păng bơ̆ jang, jang đang hơ gei hloh hơ năp jang đei pơ jao, hơ nơ̆ng hơ nhăk Hải Phòng jing hơ nih ‘lơ̆ng lơ̆m hơ tŏk tơ iung mŭk drăm, tơ pôl kơ lơ̆m teh đak.

Thuem: Tơ blơ̆