VOV4.Bahnar - Kiơ̆ jơ hngâm đon hơ met đơ̆ng hrôih, đơ̆ng hơ tăih, đơ̆ng ‘năr 25-26/11 tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ păng dôm Phŏ kơ dră Kuô̆k hô̆i bơ̆ jang hăm Tổng thư ký Kuô̆k hô̆i, Kơ dră vei lăng Anih jang kơ Kuô̆k hô̆i, Kơ dră chĕp kơ̆l 1,2 anih jang kơ Kuô̆k hô̆i, kơ dră chĕp kơ̆l 1,2 anih tơm, anih jang kơ pal kơ Trung ương vă hơ len năng 05 tơ drong kăl, gô đei tơ lĕch pơ ma nuh lơ̆m hop akŏm ưh ê kơ Kuô̆k hô̆i.

Pơ ma lơ̆m jơ bơ̆ jang, Kơ dră Kuô̆k hô̆i Vương Đình Huệ akhan, ‘nâu jĭ dôm tơ drong tôch gĭt kăl ăn tơ drong arih xa kơ kon pơ lei lơ̆m tĕh đak, mă lei kŭm jing dôm tơ drong tôch mơ mat tat, athei hơ met hơ drol mă ‘lơ̆ng, trŏ trong, trŏ tơ drong hơ găt đơ̆ng luơ̆t. Dôm anih jang kơ Kuô̆k hô̆i păng Khul kơ dră tĕh đak athei jang hơ doi mă ‘lơ̆ng, set hơ len mă brĕ, pơm ‘lơ̆ng ăn 5 tơ drong; atŭm hăm ‘nŏh, Kơ dră Kuô̆k hô̆i oei tơ tă, Kuô̆k hô̆i lăp vă set hơ len tôch ai 5 tơ drong ưh kăl tôm đĭ tơ dăh dôm tơ drong ‘nâu đei hơ met ưh ‘lơ̆ng păng ưh đei chih tơ lĕch dơ̆ng dôm tơ drong nai.

Dơ̆ng: Tơ blơ̆