VOV4.Bahnar - Pơ gê 18/5, tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ, Kơ dră Anih vei lăng pôk rơih tĕh đak pơ gơ̆r hop akŏm trư̆k tuyê̆n lơ̆m tĕh đak hơ len năng tơ drong pôk rơih bơ ngai tang măt Kuô̆k hô̆i jăl XV păng bơ ngai tang măt Jơ nŭm pơ gơ̆r kon pơ lei jơ̆p tơ ring đơ̆ng 2021 -2026.

Pơ ma lơ̆m hop akŏm, Kơ dră Kuô̆k hô̆i, Kơ dră Anih vei lăng pôk rơih tĕh đak, ăn tơ băt truh dang ei, 1,2 tơ drong hơ met ăn pôk rơih hlôi jang đang ‘lơ̆ng vă pơ ‘nhŏ ăn năr pôk rơih ‘năr 23/5 truh. Anih vei lăng pôk rơih tĕh đak tơ chơ̆t pơ gơ̆r hôp trư̆k tuyê̆n lơ̆m tĕh đak ‘măng mă âu vă hơ len năng rim tơ drong hơ met ăn pôk rơih;

Tơ tom mơ̆ng nơ̆r pơ ma apinh, sek tơ lang dôm tơ drong oei tơ hlăk, mơ nat tat, nơ̆r athei đơ̆ng dôm tơ ring, anih jang kơ pal vă gơ̆h drơ̆ng 1 nơ̆r, adrin tôch ai hơ met ‘lơ̆ng hlŏh, tôm hlŏh ăn tơ drong pôk rơih – 1 tơ drong chinh trĭ tih kơ tĕh đak đei pơ gơ̆r trŏ trong hơ găt, jing năr chơt hơ iă kơ tĕh đak tơ pă, Năr chơt kơ đĭ đăng kon pơ lei păng đei pơ gơ̆r đang ‘lơ̆ng hlŏh.

Dơ̆ng: Tơ blơ̆