VOV4.Bahnar - Pơ gê 5/12, tơ̆ Hnam hôp Lê Hồng Phong, plt Hà Nội pơ gơ̆r Hop akŏm Mŭk drăm Việt Nam sơ năm 2021 hăm hơ năn “Tơ iung ming păng jang tŏk pran kơ jăp”.

Pơ ma lơ̆m hop akŏm, Kơ dră Kuô̆k hô̆i Vương Đình Huệ ăn tơ băt, hop akŏm mŭk drăm Việt Nam 2021 mă âu ‘nŏh jĭ tơ drong ‘lơ̆ng vă Kuô̆k hô̆i, dôm anih jang kơ pal chă mơ̆ng nơ̆r pơ ma đơ̆ng dôm bơ ngai juăt jang, bơ ngai jang khoa hŏk lơ̆m păng ‘ngoăih kơ tĕh đak, dôm anih jang hơ doi hăm Việt Nam, dôm bơ ngai tang măt Kuô̆k hô̆i rim jăl, kon pơ lei, bơ ngai tăh hla, khul tĕch mơ dro lơ̆m tĕh đak tơ ƀôh trong jang.

Kơ dră Kuô̆k hô̆i Vương Đình Huệ ăn tơ băt, dôm trong jang tơm găh jên hu păng tơ ƀôh trong jang lơ̆m hop akŏm âu ‘nŏh jĭ ‘ngoăih kơ trong jang jên hu mă Kuô̆k hô̆i hlôi tơ chơ̆t, asong tơ chă 1 trong jang ‘ngoăih kơ trong jang đơ̆ng Kuô̆k hô̆i tơ chơ̆t.

Dơ̆ng: Tơ blơ̆