VOV4.Bahnar - Ƀlep ƀât tơ băt 30 sơ năm Quốc khánh Cộng hòa Kazakhstan (16/12/1991-16/12/2021), tang măt ăn Kuô̆k hô̆i Việt Nam păng kơ dih kâu, Kơ dră Kuô̆k hô̆i Vương Đình Huệ gơih kơ thơ hơ iă ăn Ƀok Maulen Ashimbayev, Kơ dră Thượng viện păng ƀok Nurlan Nigmatulin, Kơ dră Hạ viện Cộng hòa Kazakhstan. 

Lơ̆m dôm kơ thư hơ iă, Kơ dră Kuô̆k hô̆i ƀôh hiôk jơ hngâm lơ̆m dôm sơ năm âu ki, tơ drong pơ vei ‘lơ̆ng đơ̆ng sơ̆ păng jang hơ doi lơ tơ drong đơ̆ng Việt Nam – Kazakhstan đei vei kơ jăp păng tơ drong pơ vei jang hơ doi đơ̆ng 2 anih chih pơ jing luơ̆t kơ 2 tĕh đak hơ nơ̆ng đei vei kơ jăp păng tŏk pran.

Kơ dră Kuô̆k hô̆i lui tơ̆ hơ năp kơnh vă hơ nơ̆ng jang hơ doi kơ jăp hăm Kơ dră Thượng viện păng Kơ dră Hạ viện Kazakhstan vă tưk tơ iung tơ drong pơ vei ‘lơ̆ng hơ iă păng jang hơ doi kơ jăp ‘lơ̆ng đơ̆ng Việt Nam - Kazakhstan yoa tơ drong đei yoa kơ kon pơ lei 2 tĕh đak, yoa tơ drong rơ ngei, sơ đơ̆ng, jang hơ doi tơ̆ tơ ring păng lơ̆m apŭng plenh tĕh.

Dơ̆ng: Tơ blơ̆