VOV4.Bahnar - Pơ gê ‘năr 16/11, Kơ dră Kuôk hô̆i Vương Đình Huệ hlôi vang năm akŏm năr tơ goăt tơ goăl đĭ đăng hơ drĕch hơ drŭng tơ̆ xăh Trung Lương, Định Hoá, Thái Nguyên. Kơ dră Kuôk hô̆i Vương Đình Huệ hmach chơt hơ iă kơ xăh Trung Lương hlôi dăr hơ len, iŏk đei 19/19 tơ drong hơ găt xăh tơ ring tơ rang ‘nao păng tŏk bŏk pơm hla ar hô sơ athei drơ̆ng ăn ‘noh jĭ xăh jang đang ‘lơ̆ng tơ ring tơ rang ‘nao; apŭng Định Hóa kŭm tŏk bŏk hơ drin yak hloh, tơ lĕch tơ drong hơ găt jing apŭng tơ ring tơ rang ‘nao lơ̆m sơ năm 2022. Kiơ̆ Kơ dră Kuôk hô̆i Vương Đình Huệ, sơ năm 2021 jĭ sơ năm tôch kơ gĭt kăl yua kơ lơ̆m tơ drong jĭ hơ buh Covid-19 đei ƀôh krê hơ mơt mă lei bơ̆n hlôi pơ gơ̆r jơ nei dôm tơ drong jang kăl kơ teh đak nhen: Hop akŏm 13 kơ Đảng, pôk bơ ngai tang măt kuôk hô̆i jăl 15 păng bơ ngai tang măt Jơ nŭm pơ gơ̆r kon pơ lei rim tơ ring jăl jang 2021-2026, Kuôk hô̆i hlôi tơ tĕnh tơ lĕch rim trong vă jang 5 sơ năm vă tơ lĕch jang kiơ̆ Tơ drong tơ chơ̆t Hop akŏm ‘măng mă 13 kơ Đảng tơ̆ ‘măng Hop akŏm mă blŭng hloi. Mơ mat tat ‘noh thoi noh, mă lei teh đak bơ̆n oei jang kiơ̆ hơ năp jang hơ dai hơ tŏk tơ iung mŭk drăm hai tang găn jĭ hơ buh hai.

Thuem: Tơ blơ̆