VOV4.Bahnar - Ƀlep ƀât tơ băt 100 sơ năm Năr rơ nĕh ƀok Lê Quang Đạo, sơ̆ pơm Bí thư Trung ương Đảng, Kơ dră Kuô̆k hô̆i, Phŏ Kơ dră Jơ nŭm pơ gơ̆r tĕh đak, Kơ dră Anih Trung ương Mặt trận Tổ quốc Việt Nam, kơ sơ̆ 31/10, Kơ dră Kuô̆k hô̆iVương Đình Huệ truh pơm lêh sŏh plang nhang, pơ kao tơ̆ Anih ƀlŏk hơ dơ̆r kơ ƀok Lê Quang Đạo tơ̆ thĭ xăh Từ Sơn, dêh char Bắc Ninh.

Kơ dră Kuô̆k hô̆i song plang nhang tơ băt 100 sơ năm Năr rơ nĕh ƀok Lê Quang Đạo

Tơ̆ hơ năp nhap ƀok Lê Quang Đạo, Kơ dră Kuô̆k hô̆i Vương Đình Huệ păng dôm kơ dră chĕp kơ̆l Đảng, tĕh đak, Kuô̆k hô̆i adrol sơ̆ hơ ngăh vă hơ nơ̆ng tơ iung tơ drong juăt, tơ guăt 1 ƀơ̆r đon, hơ met pơ ‘lơ̆ng mơ mat tat, tơ gĕch iŏk tơ drong ‘lơ̆ng, tơ iung tơ drong hiôk hian, adrin pơ jei băl ‘mêm tĕh đak bơ̆ jang khŏm đei dôm tơ drong hơ găt, tơ drong jang mă Hop akŏm Đảng lơ̆m tĕh đak ‘măng mă XIII, Hop akŏm Đảng ƀô̆ jơ̆p tơ ring hlôi tơ lĕch, pơ jing tĕh đak roi đunh roi pơ drŏng, gơ̆h hơ gei.

Dơ̆ng: Tơ blơ̆