VOV4.Bahnar - Kơ sơ\ brei, 31.5, tơ\ Hnam Kuôk ho#i, kơ dră Kuôk ho#i Nguyễn Thị Kim Ngân hlôi sơng kơ dră an^h jang dăr hơ len kon pơ lei Cộng hòa Cuba Yamila Pena Ojeda. Kơ dră Kuôk ho#i tơ [lo\k dơ\ng ‘măng năm tơ mang tơ\ Việt Nam đơ\ng kơ dră Fidel Castro lơ\m [lep khei ‘năr tơ blăh vang krưp kre\nh hlo\h hăm nơ\r pơ ma tôch ư hơ nhang “ Yua kơ Việt Nam, Cuba chu pơ yơ\r hloi pham kơ d^h”. Vă je# 60 sơ năm âu ki, apu\ng ple\nh te\h hlôi tơ pl^h tôch kơ lơ mă lei tơ drong ‘mêm Việt Nam - Cuba ư\h kơ đei lai yơ tơ pl^h.

Kơ dră Kuôk ho#i sơng kơ dră an^h dăr hơ len kon pơ lei Cubu

{ar te\h đak oei hơ dai băl lơ\m tơ drong jang pơ jing, hơ to\k tơ iung te\h đak. Tơ mam mơ dro sa 2 păh hơ nơ\ng kơ to\k, đei 335,8 triệu đô lar sơ năm 2018. Rim tơ drong jang hơ dai găh cho\h jang sa, ming man, jang pơ gang hơ nơ\ng bơ\ jang đei io\k yua. Việt Nam hlôi pơ tho ki thuơ\t pơ tăm [a ăn kơ Cuba, io\k yua tôch kơ lơ. Tơ\ rim hop ako\m tơ ring, hop ako\m apu\ng ple\nh te\h, Việt Nam păng Cuba pơ vei jang hơ dai kơ jăp păng ling lang tơ gu\m d^h băl.

Thuem: Tơ blơ\