VOV4.Bahnar – Bơ̆ jang tơ drong tơ ƀâp bơ ngai tăh hla adrol kơ pôk rơih kiơ̆ Luŏt Pôk rơih bơ ngai tang măt Kuô̆k hô̆i păng bơ ngai tang măt Khul pơ gơ̆r kon pơ lei, ‘năr brei (9/5), Kơ dră Kuô̆k hô̆i Vương Đình Huệ pơ gơ̆r tơ ƀâp bơ ngai tăh hla tơ̆ apŭng Vĩnh Bảo, An Lão kơ plt Hải Phòng vă roi tơ băt tơ drong vă jang đơ̆ng kơ dih tơ̆ hơ năp bơ ngai tăh hla.

Lơ̆m jơ tơ ƀâp bơ ngai tăh hla, Kơ dră Kuô̆k hô̆i akhan, chih pơ jing khôi luơ̆t athei răp mơ̆ng nơ̆r pơ ma đơ̆ng kon pơ lei, trong jang ‘lơ̆ng, lăp hăm jơ hngâm đon kon pơ lei. Tơ dăh ngôi tơ̆ anih jang vă chih tơ lĕch luơ̆t păng tơ drong tơ chơ̆t ‘nŏh ưh lăp hăm yăn âu, ưh đei mơ̆ng kon pơ lei ‘mĕh yă kiơ, lăng năng tơ drong arih xa tơ̆ yăn âu thoi yơ.

Găh tơ drong pơ jing tơ ring tơ rang ‘nao, Kơ dră Kuô̆k hô̆i ăn tơ băt, tơ̆ hơ năp kơnh, vă tơ lĕch tơ drong hơ găt plơ̆ng đơ̆ng 2021-2025. Tơ chĕng adrol hop akŏm mă 2, Kuô̆k hô̆i jăl XV vă pơ ma găh tơ drong ‘nâu, mă loi jĭ tơ drong hơ găt, trong jang tơm vă đơ̆ng rŏng kơ ‘nŏh pơ jao ăn rim tơ ring bơ̆ jang.

Dơ̆ng: Tơ blơ̆