VOV4.Bahnar - Tơ̆ ‘măng tơ ƀơ̆p hăm Kơ dră Anih bơ̆ jang tang măt Liên hợp quốc tơ̆ Áo, yă Ghada Fathi Waly, Kơ dră Kuôk hô̆i Vương Đình Huệ pơ ma hơ dăh, Liên Hợp Quốc ling lang pơm hơ năp jang gĭt kăl lơ̆m trong jang tơ gŭm tơ bôl păng yak hơ dai hăm Việt Nam lơ̆m tơ drong jang pơ jing păng hơ tŏk tơ iung teh đak, pơm tơ drong hiôk ăn hơ tŏk tơ iung, hơ tŏk ‘lơ̆ng anih dơ̆ng, um rup kơ Việt Nam lơ̆m apŭng plĕnh teh. Kơ dră Kuôk hô̆i Vương Đình Huệ lăng ‘lơ̆ng Liên hợp quốc hlôi tơ gŭm Việt Nam lơ̆m tang găn jĭ COVID-19; hơ nơ̆ng tơ gŭm Việt Nam hơ tŏk tơ iung mŭk drăm đơ̆ng rŏng jĭ hơ buh, yak hơ dai hăm hơ met pơ ‘lơ̆ng dôm tơ drong đei ƀơm kơ nê̆ đơ̆ng COVID-19 hăm tơ drong jang sa đơ̆ng kon pơ lei. Kơ dră Kuôk hô̆i Vương Đình Huệ ‘meh vă, Liên hợp quốc hơ nơ̆ng hơ tŏk hơ năp jang lơ̆m vei lăng rơ ngei păng sơ đơ̆ng apŭng plĕnh teh, pơ trŭt pơ yom khôi luơ̆t apŭng plĕnh teh, tơ gŭm rim teh đak, lơ̆m noh đei Việt Nam jang kiơ̆ tơ drong jang kăl yua kơ tơ drong hơ tŏk tơ iung kơ jăp.

Thuem: Tơ blơ̆