VOV4.Bahmar - Pơ gê ‘năr 6/8, tơ\ Hnam Kuôk ho#i, Kơ dră Kuôk ho#i Nguyễn Thị Kim Ngân tơ [ơ\p bơ ngai hơ gei lơ\m tơ drong jang pơ jei băl “ Yua kơ tơ drong sơ đơ\ng te\h đak” păng tơ drong jang “ Đ^ đăng kon pơ lei vei lăng sơ đơ\ng te\h đak” đơ\ng An^h tơm vei lăng Ko\ng an. Lơ\m jăl jang 2015-2020, tơ drong jang pơ jei băl lơ\m Ko\ng an kon pơ lei hlôi tơ iung jru\ să, hăm lơ trong jang hơ iă, ‘lơ\ng, lăp hăm yan âu, jing tơ drong ‘lơ\ng pơ tru\t kang [o#, khu\l linh jang đang hơ gei hlo\h tơ drong jang.

Pơ ma tơ\ jơ tơ [ơ\p, Kơ dră Kuôk ho#i yă Nguyễn Thị Kim Ngân akhan, rim ‘nu kang [o#, khu\l linh Ko\ng an kon pơ lei athei hơ to\k ‘lơ\ng tơ drong “ ke\ tơ jră kơ d^h” tơ\ hơ năp đei [ơm đơ\ng tơ pl^h tơ drong rơ ngei ku\m nhen tơ drong glăi đơ\ng trong jang te\ch mơ dro, mơ\t jang hơ dai hăm apu\ng ple\nh te\h; athei kơ dră đảng, kơ dră che\p kơ\l rim jăl lơ\m Ko\ng an kon pơ lei hơ nơ\ng hơ to\k ‘lơ\ng hơ năp jang, đei yua, athei pơ gơ\r rim tơ drong jang pơ jei băl, vei sơ đơ\ng ‘lơ\ng, đei io\k yua.

Thuem: Tơ blơ\