VOV4.Bahnar - Hơ nơ\ng tơ drong jang tơ [ơ\p pơ ma dơ nu\h hăm bơ ngai tăh hla đơ\ng ro\ng ‘măng hop ako\m mă 10, Kuôk ho#i jăl 14, kơ sơ\ ‘năr 24/11, Kơ dră Kuôk ho#i Nguyễn Thị Kim Ngân păng dôm bơ ngai tang măt Kuôk ho#i An^h jang kơ so# 1, pơ lei tơm Cần Thơ hlôi tơ [ơ\p pơ ma dơ nu\h hăm hlo\h 200 ‘nu bơ ngai tăh hla tơ\ apu\ng Phong Điền. Kơ dră Kuôk ho#i Nguyễn Thị Kim Ngân tơ băt, An^h tơm Ch^nh tr^ hlôi tơ le\ch tơ drong tơ chơ\t kơ so# 59, pơ jing pơ lei tơm Cần Thơ tru\h sơ năm 2030, lăng tru\h sơ năm 2045, ‘nâu ku\m jing ‘măng tơ băt 100 sơ năm pơ jing te\h đak Cộng hòa xã hội chủ nghĩa Việt Nam.

Tơ\l nơ\r ap^nh đơ\ng bơ ngai tăh hla găh trong jang hơ yơ vă tang găn tơ drong đak [o\h hrơm tơ\ Tơ ring tơ măn đak krong Cửu Long, Kơ dră Kuôk ho#i tơ băt, âu ki, Khu\l kơ dră te\h đak đei tơ chơ\t 120 găh hơ to\k tơ iung kơ jăp tơ ring tơ măn đak krong Cửu Long. Kơ dră Kuôk ho#i lui nge\h akhan, rim an^h tơm, an^h jang kơ pal đei trong jang mă hơ dăh, vă đei dôm tơ drong jang nhen đak krong Cái Lớn, Cái Bé păng lơ tơ drong jang nai tơ jră đei đak [o\h hrơm păng pơ cho\h đak lo\k.

Thuem: Tơ blơ\