VOV4.Bahnar - Lăp đơ\ng ro\ng kơ pơ tôch ‘măng hop ako\m mă 8, Kuôk ho#i jăl 14, ‘nar brei păng năr ‘nâu, kơ dră Kuôk ho#i Nguyễn Thị Kim Ngân păng rim bơ ngai tang măt tơ\ an^h jang pôk rơ\ih kơ so# 1, Khu\l tang măt Kuôk ho#i pơ lei tơm Cần Thơ hlôi pơ gơ\r tơ [ơ\p pơ ma dơ nu\h hăm bơ ngai tăh hla. Tơ\ thị trấn Phong Điền, bơ ngai tăh hla ap^nh găh tơ drong rim trong nơ năm hư răm kơ tang, tơ hlăk tơ hl^n lơ\m tơ drong jang kiơ\ rim hla ar bơ\ jang [ơm tru\h te\h, tơ tăm kơ tơ măn đak krong Cửu Long gô đei đak lơ\p kơ tang.

ơ dră Kuôk ho#i pơ ma hơ dăh, đ^ đăng dôm tơ drong ‘nâu hlôi đei Đảng, te\h đak păng rim an^h jang kơ pal [ơm tru\h pơ ma dơ nu\h hơ dăh păng tơ drong g^t kăl ‘no\h j^ bơ\n hlôi đei dôm trong jang hơ met ‘lơ\ng, tơ drong jang kăl kơ te\h đak vă tơ jră  hăm to\ ‘mi kial tơ pl^h. Tơ\ jơ sơng pơ ma dơ nu\h hăm bơ ngai tăh hla, kơ dră Kuôk ho#i hlôi tơ roi tơ băt hăm bơ ngai tăh hla dôm tơ drong tơm g^t kăl mă ‘măng hop ako\m mă 8, Kuôk ho#i jăl 14 hlôi pơ ma dơ nu\h păng ăn tơ gop nơ\r.

Thuem: Tơ blơ\