Tơ̆ Đăk Lăk, dôm tơdrong đei iŏk chih akŏm noh: Chih hơmet minh ƀar tơdrong gah Luơ̆t Pơkăp Chĭl 'mong đơ̆ng Teh đak; Chih hơmet minh ƀar tơdrong gah Luơ̆t Hơnih mong jên teh đak Việt Nam, Luơ̆t Tang găn păng tơjră ôp pơ-'lơ̆ng jên păng Luơ̆t Rim hơnih mong jên; Chih hơmet minh ƀar tơdrong gah Luơ̆t Pơtho pơhrăm kŏng ngê̆, Luơ̆t Viễn thŏng, Luơ̆t Jang gah điê̆n tưh, Luơ̆t Tân sô̆ vô tuyê̆n điê̆n; atŭm hăm chih akŏm 2 tơdrong tơchơ̆t đơ̆ng Kuô̆k hô̆i gah tang găn păng tơjră pơm glăi tơchơ̆t kăp gĭt sek tơlang tơdrong pơm glăi luơ̆t jang mŭk drăm, tơplih 'nao tơchăr hơgei, tơplih kơmăi kơsô̆.

Tang măt ăn dôm hơnih jang kơ dêh char Đăk Lăk hlôi pơtruh nơ̆r chih keh đang lơ tơchơ̆t iŏk đơ̆ng tơdrong jang đei ƀôh tơ̆ tơring.

Tơ̆ Lâm Đồng, bơngai tang măt ăn dôm anih jang kơpal vang truh hăm 8 'măng pơma nuh, tơgop ăn 15 tơdrong chih pơjing khôi luơ̆t, 4 tơdrong tơchơ̆t, lơ̆m noh đei lơ nơ̆r tơgop ăn luơ̆t teh (oei chih hơmet ming), Luơ̆t Hnam oei (oei chih hơmet ming); Luơ̆t Tĕch mơdro teh, hnam oei (oei chih hơmet ming); Luơ̆t sek phak (oei chih hơmet ming); Luơ̆t hơmet ming, tơmơ̆t dơ̆ng mĭnh ƀar tơdrong lơ̆m 09 khôi luơ̆t găh khul linh sơđơ̆ng teh đak…

Rim nơ̆r tơgop đei pơma tơlĕch kiơ̆ rim tơdrong đei tơ̆ yăn âu đơ̆ng tơring. Khul tang măt Kuô̆k hô̆i dêh char Lâm Đồng hlôi chih akŏm tôm, rơih iŏk dôm tơdrong kăl vă hơnhăk pơma nuh lơ̆m Hop akŏm ưh kơ ê mă blŭng, Kuô̆k hô̆i jăl XVI.