Pơma tơ̆ Hop akŏm, Kơdră Quốc hội Trần Thanh Mẫn akhan, lơ̆m jăl jang hơdrol, Quốc hội hlôi hơdrin hơmet pơ 'lơ̆ng khôi luơ̆t, truh dang ei hlôi chih pơjing 122 luơ̆t, tơdrong tơchơ̆t. Dôm tơdrong iŏk đei jơnei khei 'năr âu ki jĭ tơdrong tơm gĭt kăl, mă lei tơdrong 'meh vă hơtŏk tơiung 'nao kơ teh đak tŏk bŏk tơlĕch ăn dôm tơdrong hơgăt kơjung hloh hăm tơdrong jang dăr lăng. Kuô̆k hô̆i jăl 16 kăl pơjing mĭnh trong jang dăr lăng 'nao: lăng kơjăp trong jang kăl, tơdra hơdrol, 'moi kiơ̆ kơsô̆ chih răk păng tơdrong đei ƀôh, akŏm trŏ tơdrong tơm, năm truh tơdrong jang păng tơdrong đei jơnei.

Dăr lăng ưh khan lăp vă hơlen lăng tơdrong hlôi jang, mă athei tơgop pơjing đei tơdrong kăl jang; ưh khan lăp chă ƀôh tơdrong ưh kơ 'lơ̆ng, mă athei hơmet pơ 'lơ̆ng tơdrong tơhlăk tơhlĭn, tơdra hơdrol tơdrong ưh kơ pŭn ai, pơtrŭt tơdrong jang păng pơjing hơtŏk tơiung. Tơdrong kăp gĭt mă hơtuch kơ tơdrong jang hơlen noh pơjing dôm tơdrong tơplih kăp gĭt lơ̆m tơdrong hơmet pơ-lơ̆ng khôi luơ̆t, pơgơ̆r pơm kiơ̆ khôi luơ̆t, hơtŏk ‘lơ̆ng tơdrong vei lăng kơ teh đak; păng kơjung hloh noh pơyua ăn Kon pơlei, yua kơ tơdrong hơtŏk tơ-iung hrĕnh, kơjăp kơ teh đak./.