Pơtôch tơdrong hop akŏm, Tổng Bí thư, Kơdră teh đak bơ̆n ră hơdah, tơdrong keh đang tôm Jơnŭm pơgơ̆r Trung ương 'măng mă ou ưh đei ƀônh jĭ tơdrong tơplih gah asong sơnong jang păng kăp gĭt hloh noh tơdrong tơplih gah pơm jang tơm pơtrŏ hăm tơchơ̆t tơlĕch ah jăl jang 'nao. Ƀok tơlĕch nơ̆r pơgơ̆r, pơtoi tơplih kơtang đơ̆ng vei lăng jing trong jang đei jơnei hơdah, rim sơnong jang athei sơkơ̆t hơdah tơdrong kăl sek tơlang, mă hơtuch athei đei tơmam drăm, đei bơngai yua, păng tơdrong đei yua 'noh jing 'long pơtŏ ăn tơdrong jang.

Tổng Bí thư, Kơdră teh đak bơ̆n akhan, athei pơjing tơdrong tơplih đơ̆ng pơm jang ƀônh hiôk jing tơdrong jang hăm kơ̆l 'ngok hơgei, kơlih bơ̆n ưh gơh hơtŏk tơ-iug tenh păng kơjăp sơđơ̆ng mưh oei gơnơm lơ̆m trong jang ƀônh hiôk, chă pơlăp ou to dah mă iŏk yua dôm tơdrong hlôi đei hơmŏ.