VOV4.Bahnar - Pơ gê  ‘năr 30/11, Kơ dră Kuôk hô̆i Vương Đình Huệ pơ gơ̆r jơ bơ̆ jang hăm Khŭl chĕp kơ̆l pơ gơ̆r Anih jang vei lăng Mŭk drăm păng grŭp joăt jang, bơ ngai jang tơ chĕng hơ len găh tơ drong jang tơ gŭm jên hu tơ gŭm bơ̆ jang kiơ̆ Tơ drong jang tơ ming dơ̆ng păng hơ tŏk tơ iung mŭk drăm - tơ pôl. Tơ drong tơm kơ  Hop akŏm vă tơ gop pơm hơ dăh dơ̆ng dôm tơ drong jang khoa hŏk păng yan âu vă hơ dai hăm Khŭl kơ dră teh đak pơm 1 trong jang găh jên hu vă pơm hơ dăh trong jang, pơ tôch đơ̆ng Trung ương tơ̆ Hop akŏm Trung ương 4 (jăl XIII) păng Tơ chơ̆t ‘măng hop akŏm mă 2, Kuôk hô̆i jăl XV găh tơ drong jang akŏm tang găn jĭ hơ buh Covid - 19, tơ iung ming dơ̆ng mŭk drăm, pơm lăp sơ đơ̆ng hăm rim tơ drong đei ƀôh đơ̆ng jĭ hơ buh. Dang ei Khŭl kơ dră teh đak hlôi pơm tơ drong jang pơ jing trong jang tơ gŭm jên hu vă tơ gŭm tơ lĕch jang Tơ drong jang akŏm tơ iung ming dơ̆ng păng hơ tŏk tơ iung mŭk drăm - tơ pôl.

Thuem: Tơ blơ̆