VOV4.Bahnar - Bơ̆ jang hăm kơ dră dơ nơm kơ dêh char Vĩnh Phúc găh pơ tôch pơ gơ̆r tơ lĕch jang Tơ drong tơ chơ̆t Hop akŏm Đảng lơ̆m teh đak ‘măng mă 13 păng Tơ chơ̆t Hop akŏm Đảng bộ dêh char Vĩnh Phúc ‘măng mă 17, Kơ dră Kuôk hô̆i Vương Đình Huệ hơ len lăng: đơ̆ng rŏng 25 sơ năm, dêh char Vĩnh Phúc hlôi yak hloh pran kơ tang, jing hơ dăh găh hơ tŏk tơ iung mŭk drăm- tơ pôl, găh sơng đei tơ mơ̆t jên jang lơ̆m tơ ring mŭk drăm tơm Bắc Bộ păng lơ̆m teh đak. Pơ ma tơ̆ jơ bơ̆ jang, Kơ dră Kuôk hô̆i Vương Đình Huệ athei dêh char Vĩnh Phúc hơ nơ̆ng tơ lĕch jang kiơ̆ đei yua tơ drong Tơ chơ̆t hop akŏm 13 kơ Đảng păng Tơ chơ̆t hopa kŏm 17 Đảng bộ dêh char, rim tơ drong tơ chơ̆t, hơ găt đơ̆ng Trung ương găh pơ jing Đảng. Akŏm jang kiơ̆ tơ tĕnh, đei yua tơ drong tơm tang găn jĭ Covid-19 hai, tơ iung ming dơ̆ng mŭk drăm tơ pôl, vei lăng tôch ai jơ hngơ̆m pran, hơ kâu jăn kơ kon pơ lei hơ dai hăm akŏm hơ met pơ ‘lơ̆ng mơ mat tat ăn pơm tơ lĕch, tĕch mơ dro, tơ gŭm đei yua kon pơ lei păng anih jang mơ dro sa.

Thuem: Tơ blơ̆