VOV4.Bahnar - Pơ gê ‘năr 11/4, tơ̆ dêh char Nghệ An, Kơ dră Kuô̆k hô̆i Vương Đình Huệ truh pơm lêh sơng iŏk tơ drong tơ chơ̆t đơ̆ng Anih tơm vei lăng jang pơ gang chih tơ băh Hnam pơ gang jang tơ bôl đa khoa Nghệ An jĭ Hnam pơ gang jăl mă hơ tuch găh ki thuơ̆t khăm, hơ met jĭ tơ̆ tơ ring găh Tu kơ tơ ring Tŏk bŏk. Vang truh akŏm đei Kơ dră tơm vei lăng jang pơ gang Nguyễn Thanh Long păng lơ kơ dră chĕp kơ̆l Đảng, Tĕh đak.

Pơ ma lơ̆m jơ pơm lêh, Kơ dră tơm vei lăng jang pơ gang Nguyễn Thanh Long akhan, tơ drong pơ jao hla ar tơ chơ̆t chih tơ băt păng pơ jao tơ drong jang ăn Hnam pơ gang jăl mă hơ tuch găh ki thuơ̆t khăm, hơ met jĭ tơ ring găh Tu kơ tơ ring Tŏk bŏk ăn Hnam pơ gang jang tơ bôl Đa khoa Nghệ An ‘nŏh jĭ tơ drong jơ nei gĭt kăl đơ̆ng dêh char vă bơ̆ jang đei tơ drong Tơ chơ̆t kơ sô̆ 26 đơ̆ng Anih tơm Chinh trĭ păng Tơ drong tơ chơ̆t đơ̆ng Hop akŏm Đảng ƀô̆ dêh char Nghệ An ‘măng mă XIX tơ lĕch. Ƀlep ƀât ‘măng mă âu, Kơ dră Kuô̆k hô̆i Vương Đình Huệ hơ păh 2 tŏ kơ măy dui jơ hngâm ‘nao ăn Hnam pơ gang jang tơ bôl Đa khoa Nghệ An.

Dơ̆ng: Tơ blơ̆