VOV4.Bahnar - Pơ gê ‘năr 17/8, tơ̆ Hnam Kuôk hô̆i, Kơ dră kuôk hô̆i Vương Đình Huệ pơ gơ̆r păng pơ ma pơ gơ̆r ‘măng hop akŏm mă 2 kơ Anih chĕp kơ̆l pơ gơ̆r Kuôk hô̆i. Pơ ma pơ gơ̆r ‘măng hop akŏm, kơ dră Kuôk hô̆i Vương Đình Huệ athei hơ met ming mă đei tơ drong pôk hơ păh kiơ̆ trong vă pơ trŏ, kơ dâu kiơ̆ hơ năn pơ jei băl, pôk hơ păh. Anih chĕp kơ̆l pơ gơ̆r Kuôk hô̆i kŭm athei Khŭl kơ dră teh đak kăl hơ nơ̆ng dăr hơ len hăm tơ drong tơ mơ̆t dơ̆ng trong pôk hơ păh “ mê đai hơ druh tơ dăm iung jang ang hơ iă” lơ̆m Luơ̆t Pôk pơ jei băl, pôk hơ păh ( hơ met ming). Ăn tơ gop nơ̆r lơ̆m hla ar tơ roi tơ băt đơ̆ng khŭl kơ dră teh đak găh tơ drong jang kiơ̆ rim trong jang tơ gŭm găh ƀao hiêm tơ pôl, vei lăng păng iŏk yua jên mong ƀao hiêm tơ pôl sơ năm 2020, Anih chĕp kơ̆l pơ gơ̆r Kuôk hô̆i apĭnh Kuôk hô̆i hơ nơ̆ng hơ tŏk loi dơ̆ng dăr hơ len tơ drong jang kiơ̆ trong jang tơ gŭm, khôi luơ̆t găh ƀao hiêm tơ pôl, ƀao hiêm ư̆h kơ đei tơ drong jang. Tơ̆ kơ sơ̆, Anih chĕp kơ̆l pơ gơ̆r Kuôk hô̆i set hơ len, tơ chơ̆t găh tơ drong kăl, hơ găt păng pơ kăp kơ sô̆ jên tơ lĕch hơ nơ̆ng jên jang teh đak sơ năm 2022 păng set hơ len nơ̆r apĭnh dăr hơ len đơ̆ng Jơ nŭm vei lăng hơ drĕch kon kông găh tơ drong chĕng hơ găt tơ ring groi kông.

Thuem: Tơ blơ̆