VOV4.Bahnar - Kơ dră Kuôk hô̆i Vương Đình Huệ truh tơ̆ Bỉ păng hlôi đei pơ ma đam hăm Kơ dră Nghị viện Châu Âu (EP) David Sassoli. Kơ dră Nghị viện Châu Âu David Sassoli chơt hơ iă sơng Kơ dră Kuôk hô̆i Vương Đình Huệ păng khŭl tang măt gĭt kăl kơ Kuôk hô̆i Việt Nam hlôi rơ̆ih Nghị viện Châu Âu jĭ hơ nih năm truh lơ̆m ‘măng năm bơ̆ jang mă blŭng kiơ̆ lơ̆m kơ chư̆k jang pơm Kơ dră kuôk hô̆i Việt Nam. Tơ̆ jơ pơ ma đam, 2 păh hlôi pơ ma dơ nuh lơ tơ drong vă hơ tŏk loi dơ̆ng păng pơm ‘lơ̆ng hloh dơ̆ng tơ drong pơ vei đơ̆ng 2 nghị viện, tơ gop pơm hơ tŏk tơ drong pơ vei Việt Nam - EU hơ tŏk tơ iung pran kơ tang yua kơ tơ drong đei yua kơ pơ đĭ 2 păh. Vă hơ tŏk tơ drong pơ vei mŭk drăm mơ dro sa 1 trong tôm tong, kơ dră Kuôk hô̆i Vương Đình Huệ tơ ƀôh đon ‘meh vă, EP đei nơ̆r pơ ma vă nghị viện rim teh đak tam mă kĭ ăn EVIPA jăh kĭ ăn tơ drong tơ chơ̆t gĭt kăl âu, vă pơ trŭt jang hơ dai tơ mơ̆t jên jang, pơm lăp hăm ‘meh vă păng đei yua đơ̆ng anih jang mơ dro sa hơ dai hăm ‘noh hơ nơ̆ng pơm tơ drong hiôk vă jang kiơ̆ tơ drong tơ chơ̆t EVFTA 1 trong đei yua hloh.

Thuem: Tơ blơ̆