VOV4.Bahnar - ‘Năr 17/6, tơ̆ Hnam Kuôk hô̆i, Kơ dră Kuôk hô̆i Vương Đình Huệ hlôi pơ ma đam trực tuyến hăm Kơ dră Anih chĕp kơ̆l pơ gơ̆r Hop akŏm bơ ngai tang măt kon pơ lei lơ̆m teh đak Trung Quốc (Kơ dră Nhân đại – kơ dră Kuôk hô̆i) Lật Chiến Thư. Tơ̆ jơ pơ ma đam, 2 kơ dră Kuôk hô̆i adoi pơ ma hơ dăh tơ drong gĭt kăl jang hơ dai tôm tơ drong Việt Nam - Trung Quốc lơ̆m trong jang tơ gŭm tơ bôl đơ̆ng rim teh đak, lăng ‘lơ̆ng dôm jơ nei, iŏk yua lơ̆m tơ drong pơ vei gĭt kăl kơ 2 Đảng, teh đak, mă loi ‘noh jĭ pơ ma dơ nuh jang hơ dai đơ̆ng 2 Kuôk hô̆i khei ‘năr âu ki. Vă pơ trŭt tơ drong pơ vei jang hơ dai tôm tơ drong Việt Nam - Trung Quốc hơ nơ̆ng ‘lơ̆ng hơ iă, Kơ dră Kuôk hô̆i Vương Đình Huệ athei 2 păh pơ trŭt pơ ma dơ nuh kơ dră kơ pal păng rim kơ dră, 2 păh hơ tŏk loi dơ̆ng tơ ƀơ̆p jang tơ bôl đơ̆ng kon pơ lei; athei Trung Quốc hơ tŏk loi dơ̆ng răt tơ mơ̆t tơ mam đơ̆ng Việt Nam, bơ ngơ̆t truh, athei anih jang mơ dro sa 2 teh đak hơ met ‘lơ̆ng rim tơ drong jang hơ dai oei tơ hlăk tơ hlĭn; hơ tŏk loi dơ̆ng jang hơ dai vei lăng tơ ring sơ lam tơ̆ kông, pơ trŭt tơ ƀơ̆p pơ ma dơ nuh, mơ dro sa păng jang hơ dai đơ̆ng rim tơ ring.

Thuem: Tơ blơ̆