VOV4.Bahnar - Drơ̆m kơ sơ̆ ‘năr 8/6, tơ̆ Hnam Kuôk hô̆i, Kơ dră Kuôk hô̆i Vương Đình Huệ hlôi pơ ma điên thoăi hăm yă Valentina Matvienko, Kơ dră Jơ nŭm vei lăng Liên bang Nga. Kơ dră Kuôk hô̆i Vương Đình Huệ hăm Kơ dră jơ nŭm vei lăng liên bang Nga Valentina Matvienko adoi akhan, lơ̆m khei ‘năr âu ki, tơ drong pơ vei chĭnh trĭ đơ̆ng 2 teh đak ư̆h kơ đei pơ dơh hơ met ming păng hơ tŏk tơ iung ‘lơ̆ng hơ iă lơ̆m đĭ đăng rim kênh Đảng, teh đak kŭm nhen đơ̆ng rim tơ ring, anih jang mơ dro sa păng khŭl jang tơ pôl 2 teh đak.

2 kơ dră chĕp kơ̆l vang pơ ma hơ dăh, mă đơ̆ng tơ drong jĭ hơ buh Covid-19 pơm ƀơm ư̆h kơ ‘lơ̆ng truh mŭk drăm rim teh đak, mă lei jang hơ dai mŭk drăm, mơ dro sa, tơ mơ̆t jên jang Việt - Nga đei hơ yak tơ plih ‘lơ̆ng. Ƀlep lơ̆m ‘măng âu, Kơ dră Kuôk hô̆i Vương Đình Huệ bơ ê kơ Liên bang Nga hlôi asong Việt Nam 1.000 kơ liêu vaccine Sputnik V đơ̆ng blŭng sơ năm ‘nâu păng ‘nao âu hlôi pơ kăp tơ gŭm hơ drol vă Việt Nam gơ̆h yua 20 triệu kơ liêu vaccine Sputnik V; pơ ma hơ dăh Việt Nam ‘mĕh vă jang hơ dai hăm Liên bang Nga lơ̆m tơ drong jang pơ jao pơ tho kơ măy kơ mŏk păng pơm tơ lĕch vaccine bơ̆ng jĭ Covid-19 tơ̆ Việt Nam.

Thuem: Tơ blơ̆