VOV4.Bahnar - Pơ gê ‘năr (3/6), tơ̆ Hnam Kuôk hô̆i, Kơ dră Kuôk hô̆i Vương Đình Huệ hlôi đei jơ pơ ma dơ nuh trực tuyến hăm Kơ dră Kuôk hô̆i Campuchia Xăm-đéc Hêng Xom-rin. Tơ̆ jơ pơ ma đam, 2 Kơ dră Kuôk hô̆i lăng ‘lơ̆ng dôm jơ nei gĭt kăl lơ̆m pơ vei jang hơ dai ‘lơ̆ng hơ iă đơ̆ng 2 teh đak khei ‘năr âu ki. Lơ̆m khei ‘năr đei jĭ Covid-19, kơ dră kơ pal 2 teh đak oei pơ vei pơ ma dơ nuh hơ nơ̆ng; rim trong jang hơ dai 2 pang hơ nơ̆ng đei hơ tŏk iŏk yua; kơ sô̆ jên mơ dro sa 2 pang hơ nơ̆ng tŏk pran, 4 khei blŭng sơ năm 2021 đei vă jê̆ 3,9 ti đô lar Mi, tŏk 122% pơ têng hăm khei ‘nâu sơ năm hơ drol, tơ gop ‘lơ̆ng lơ̆m tơ iung ming mŭk drăm kơ 2 teh đak, hơ tŏk ‘lơ̆ng tơ drong arih sa kon pơ lei.

2 kơ dră Kuôk hô̆i drơ̆ng 1 nơ̆r akhan, lơ̆m jang hơ dai lơ pang, Kuôk hô̆i 2 teh đak ling lang pơ yom trong jang păng tơ gŭm băl tơ̆ rim hop akŏm lơ nghị viện lơ̆m tơ ring păng apŭng plĕnh teh nhen IPU, Jơ nŭm nghị viện apŭng plĕnh teh, Hop akŏm lơ nghị viện jơ nŭm rim teh đak Đông Nam Á, Nghị viện rim teh đak pơ ma nơ̆r Phalăng, Jơ nŭm Nghị viện châu Á păng Nghị viện châu Á - Thái Bình Dương.

Thuem: Tơ blơ̆