VOV4.Bahnar - Kơ sơ̆ 14/12, lơ̆m jơ năr năm ‘mang tơ̆ Hàn Quốc, Kơ dră Kuôk hô̆i Vương Đình Huệ hlôi pơ ma dơ nuh hăm Thủ tướng teh đak Hàn Quốc Kim Bu Kiêm. Tơ̆ jơ sơng, Thủ tướng Kim Boo Kyum lăng ‘lơ̆ng ‘măng năm tơ mang đơ̆ng kơ dră Kuôk hô̆i Vương Đình Huệ, tơ gop tơ lĕch jang rim tơ drong jang tơ băt 30 sơ năm pơ jing tơ drong pơ vei jang tơ bôl Việt Nam – Hàn Quốc sơ năm 2022; akhan tơ drong pơ vei kơ jăp đơ̆ng 2 Kuôk hô̆i tơ ƀôh đon ‘meh vă đơ̆ng kon pơ lei 2 teh đak. Tơ̆ jơ tơ ƀơ̆p, 2 păh drơ̆ng nơ̆r jang hơ dai tơ lĕch jang 1,2 tơ drong tơ gop pơm hơ tŏk loi dơ̆ng jang hơ dai đơ̆ng 2 teh đak tơ̆ hơ năp kơnh, hơ tŏk loi dơ̆ng pơ̆ih să jang hơ dai lơ̆m tơ drong jang vei lăng sơ đơ̆ng, khŭl linh, vang jang hơ dai tơ lĕch jang rim tơ drong jang tơ băt 30 sơ năm pơ jing tơ drong pơ vei jang tơ bôl.

Thuem: Tơ blơ̆