VOV4.Bahnar - Tơ̆ anih tơm Brussels, tĕh đak Bỉ, Kơ dră Kuô̆k hô̆i Vương Đình Huệ pơ ma nuh hăm Kơ dră Jơ nŭm vei lăng châu Âu Charles Michel. Tơ chĕng ‘lơ̆ng ‘măng năm hơ pong păng bơ̆ jang tơ̆ EU mă âu đơ̆ng Khul tang măt ăn Kuô̆k hô̆i Việt Nam đơ̆ng rŏng đunh khei ‘năr ƀơm ưh ‘lơ̆ng đơ̆ng jĭ hơ buh, Kơ dră EC akhan, tơ drong jĭ Covid-19 oei tơ pŏh tôch hơ mơt lơ̆m apŭng plenh tĕh ƀơm kơ nê̆ truh tơ drong jang kiơ̆ păng tơ drong đei yoa đơ̆ng tơ drong tơ chơ̆t EVFTA; pơ ma hơ dăh, tơ̆ hơ năp kơnh 2 păh athei iŏk yoa đĭ dôm tơ drong ‘lơ̆ng đơ̆ng tơ drong tơ chơ̆t hơ nhăk ăn.

Kơ dră Charles Michel roi tơ ƀôh đon tơ chĕng găh tơ drong rơ ngei păng sơ đơ̆ng tơ̆ Ấn Độ Dương – Thái Bình Dương, tơ drong hơ găt năng kăl khôi luơ̆t păng pơ ma hơ dăh EU hơ pơi ‘mĕh pơih xă păng pơm pơ ‘lơ̆ng hlŏh dơ̆ng tơ drong jang hơ doi hăm tơ ring Đông Nam Á lơ̆m nŏh đei Việt Nam. Kơ dră Kuô̆k hô̆i Vương Đình Huệ pơ ma akhan, Việt Nam hơ nơ̆ng jang hơ doi kơ jăp hăm EU păng EP lơ̆m dôm trong jang lơ pang; kơ chăng pơm gơng tơ ƀưh pơm hơ tŏk tơ drong pơ vei EU - ASEAN tơ găl hăm Trong jang hơ doi gĭt kăl đơ̆ng ASEAN-EU ‘nao đei kĭ pơ kăp.

Dơ̆ng: Tơ blơ̆